CNC PROGRAM BASIC TIPS FOR MECHANICAL, CAD-CAM STUDENTS

CNC PROGRAMMING & OPERATIONS Basic - புத்தகம் தமிழில் கிடைக்கும்!!



மதுரையில் காதல் செய்வதற்கு ஏற்ற இடங்கள் எது?

part 1 photo PARTIMAGE.jpg part 2 photo PARTIMAGE2.jpg part 3 photo PARTIMAGE3.jpg part 4 photo PARTIMAGE4.jpg part 5 photo PARTIMAGE5.jpg part6 photo PARTIMAGE56.jpg part 7 photo PARTIMAGE7-1.jpg
part 8 photo PARTIMAGE8.jpg part 9 photo PARTIMAGE9.jpg part 10 photo PARTIMAGE10.jpg part 11 photo PARTIMAGE11.jpg part 12 photo PARTIMAGE12.jpg part 13 photo PARTIMAGE13.jpg part 14 photo PARTIMAGE14.jpg
part 15 photo PARTIMAGE15.jpg  photo PARTIMAGE16.jpg
     என்னங்க  தலைப்பு  ஒரு  மார்க்கமா  இருக்கா? மதுரையை  கோயில்கள்  அதிகமா  இருக்கறதுனாலே  கோயில்  நகரம்னு  சொல்வாங்களே. கோயில்  தானே  அதிகமா இருக்கு. அங்க  எந்த  இடங்கள்  காதல் செய்ய ஏற்ற இடங்கள் இருக்குனு  யோசிக்கரிங்களா. சென்னை  மாதிரி  பார்க்  பீச், டூரிஸ்ட் ஸ்பாட்ஸ்  இங்க  இல்லைங்க. அந்த  மாதிரி இடங்கள் இல்லாததுனால   இருக்கற  இடங்கள  லவ் பண்றாங்க. எனக்கு தெரிஞ்ச சில  இடங்கள் இருக்கு அதை  பற்றி  சொல்லலாம்னு  நினைக்கிறேன். (அதுக்காக எனக்கு அனுபவம் இருக்கானு கேட்காதிங்க... அது சீக்ரட்) 

லவ் பண்ண  முதல்  இடமா  நான்  சூஸ் பண்ணியிருப்பது:
எகோ  பார்க் (பசுமை பூங்கா):
   தல்லாகுளம்  பக்கத்துல  அவுட் போஸ்ட்  அருகில்  மாநகராட்சி  அலுவலகத்துக்கு  பின்னாடி  இந்த  பார்க்  இருக்கு. எங்க பாத்தாலும் பச்சை பசேல்னு புல்லு தான் இருக்கு. அங்கங்க உட்கார பெஞ்ச் போட்டிருப்பாங்க. அதை சில ஓல்ட் லவ்வர்ஸ் ஆக்கிரமிச்சிருப்பாங்க. (இதெல்லாம் எப்படி எனக்கு தெரியும்னு கேட்கக் கூடாது). இந்த பார்க்க நடுவுல வாட்டர் பவுண்டைன் இருக்கு. அதுல பெரும்பாலும் தண்ணியே இருக்காது. இருந்தாலும் லவ்வர்ஸ் அதை சுத்தியே வருவாங்க. என்னைக்காவது தண்ணி வரும் போது நாமளும் நனையலாம்னு போனா இடம் கிடைக்காது. 
     நாம ஒரு ஓரமா நின்னு வேடிக்கை பாக்க வேண்டியது தான். சின்ன சின்ன செடிகள், மரங்கள் பக்கத்துல இந்த லவ்வர்ஸ் நெருக்கமா உட்கார்ந்துட்டு என்ன பேசுவாங்கன்னு தெரியாது. ஆனா பேசுங்க...பேசுங்க... பேசிட்டே இருப்பாங்க. நைட் ஒன்பது மணிக்கு எல்லோரையும் வெளியே போக சொல்லி விசில் அடிப்பாங்க செகூரிட்டிகள். அப்ப லைட்டும் ஆப் பன்னிருவாங்க. அதோட அவங்க நேரமும் முடிஞ்சு போயிரும். ஆணும் ஒரு பக்கம், பெண்ணும் ஒரு பக்கம்னு பிரிஞ்சு போயிருவாங்க.

அடுத்த இடமா நாம பாக்க போறது ராஜாஜி பார்க்:
    தமுக்கம் மைதானத்துக்கு பக்கத்துல இருக்கு இந்த பார்க். இது அடிப்படையில பார்த்தா சிறுவர்களுக்கான பார்க் தான். ஆனா சிறுவர்களை விட லவ்வர்ஸ் வருகை தான் அதிகம். காலேஜ் கட் அடிச்சுட்டு அவங்க வர்ற இடமே இங்க தான். காலையில அதுங்க காலேஜ் கிளம்பற அவசரத்துல சாப்பிடாம வந்திருவாங்க. அதுக்காக காலை, மதியம்னு சேர்த்து டிபன் எடுத்துட்டு வருவாங்க. காலேஜ்ல அட்டெண்டன்ஸ் கொடுக்கற மாதிரி கொடுத்திட்டு அப்புறம் எஸ்கேப் ஆகி இந்த பார்க்குக்கு வருவாங்க. ஒரு ஓரமா நிழலான இடமா பார்த்து உட்கார்ந்து மணல்ல கோலம் போட்டுட்டே பேசுவாங்க. அப்புறம் அங்க ஐஸ்கிரீம் ரெண்டு வாங்கி கரைஞ்சு போகறது கூட தெரியாம பேசுவாங்க. அப்புறம் கையில வழிஞ்சத யாருக்கும் தெரியாம _ _ _ _  தொடச்சுக்கிருவாங்க. மதியம் வந்திரும். கொண்டு வந்த சாப்பாடை சாப்ட்டுட்டு கையை கோர்துக்கிட்டு அந்த பார்க்கை ரெண்டு ரவுண்டு சுத்தி வந்துட்டு மறுபடியும் காலேஜுக்கு அல்லது ஏதாவது தியேட்டருக்கு போயிருவாங்க. தியேட்டருல என்ன நடக்கும்னு உங்களுக்கு தெரியாத விசயமா? 

அடுத்த இடமா நாம் பாக்க போறது ஹவாவேலி:
      இந்த இடம் மதுரை டூ நத்தம் ரோட்டில் சுமார் பதினைஞ்சு கிலோமீட்டர் தொலைவில் இருக்கு. மெயின் ரோட்டில் இருந்து அரை கிலோமீட்டர் உள்ளே தள்ளி இருக்கு. இது பைக்குல சுத்தற லவ்வர்சுக்கு ஏற்ற இடம். அங்க சுத்தி பாக்கற மாதிரியான இடங்கள் இல்லை. ஒரே ஒரு ஹோட்டல் இருக்கு. ஆர்டர் பண்ணிட்டு பேசிட்டே இருக்க வேண்டியது தான். எதிர் பார்க்கும் நேரத்தை விட கொஞ்சம் லேட்டா தான் கொண்டு வருவாங்க.  அப்படியே சாப்டுட்டு பைக்கை விரட்டுனா மதுரையில் நிக்கலாம். அங்க மினி கார் ரேஸ் இருக்கு. இப்ப இருக்கானு தெரியல. 

அடுத்த இடமா நாம் பாக்க போறது தெப்பக்குளம்:
        இது குடும்பத்தோட வர்றவங்க இடம். ஈவ்னிங் செமயா களை கட்டிரும் இந்த இடம். அந்த தெப்பக்குளத்தை சுத்தி வந்தாலே மேல்மூச்சு கீழ் மூச்சு வாங்கும். ஆமாங்க எப்படியும் ரெண்டு கிலோமீட்டருக்கு குறையாத சுற்றளவு உடையது. அந்த குளத்தை சுத்திலும் ஏகப்பட்ட கையேந்திபவன்கள் இருக்கு. சூடா இட்லி வாங்கிட்டு படியில உட்கார்ந்து பேசிட்டே சாப்பிடலாம். ஒவ்வொரு கடையிலும் விதவிதமா டிபன்கள் வாங்கி ஓரமா நின்னு லவ் செய்யலாம். நைட்டு பத்து மணி வரைக்கும் கடைகள் இருக்கும். தம்பதிகள் வாரத்துல ஒரு நாள் வீட்டு சமையலுக்கு லீவ் கொடுத்திட்டு இங்க வந்து சாப்பிட்டுட்டே காதல் செய்யலாம். 

அடுத்த இடமா நாம் பாக்க போறது அதிசயம் தீம் பார்க்:
      மதுரையில் இருந்து திண்டுக்கல் ரோட்டில் பரவை முனியம்மா சொந்த ஊரான பரவைக்கு பக்கத்தில் இந்த தீம் பார்க் இருக்கு. தீம் பார்க்குல என்னென்ன இருக்கும்னு சொல்லனும்னு அவசியம் இல்லை. எல்லா விளையாட்டும் தண்ணி கலந்த விளையாட்டா இருக்கும். காதலர்கள் தண்ணீரில் விளையாடி பொழுதை கழிக்கும் இடம் இது. காலையில வந்தோம்னா சாயிந்தரம் வரை நல்ல டைம் பாஸ் ஆகும் இந்த அதிசயம் தீம் பார்க்கில்.

அடுத்த இடமா நாம் பாக்க போறது பெல் ஹோட்டல்:
    சிம்மக்கல் அருகே தமிழ் சங்கம் ரோட்டில் இந்த ஹோட்டல் இருக்கு. தம்பதிகளும், லவ்வர்சும் வந்து சாப்பிடக் கூடிய இடம். உணவு வகைகள் ருசியா இருக்கும். ரேட் கொஞ்சம் காஸ்ட்லி தான், அதனால காதலும் காஸ்ட்லியா இருக்கும். ஏ சி ரூம்ல உட்கார்ந்து ஸ்டார்ட்அப் சூப்பிலிருந்து பினிஷிங் ஐஸ்கிரீம் வரை காதல் செஞ்சுட்டே சாப்பிடலாம். இங்க ஏ சிக்கு தனி ரேட். சாப்பிட்ட அயிட்டங்களுக்கு தனி ரேட். அதனால தான் சொன்னேன். மதுரை லவ்வர்சுக்கு இது கொஞ்சம் காஸ்ட்லி தான். 
   சில காதலர்களுக்கு பைக்கில் சுத்தறது ரொம்ப பிடிக்கும். அவங்களுக்குன்னே சில ரூட்டுகள் இருக்கு. பெரியாரில் பைக்கை ஸ்டார்ட் பண்ணினா கோரிப்பாளையம், புதூர் வழியா அழகர்கோவில் ஆர்ச் வரை ஒரு ரவுண்டு போகலாம். கோயிலுக்கு முன்னாடி ஒரு ஆர்ச் இருக்கு. அதை சுத்தி வர்ரதுக்காகவே பைக்கில போவாங்க. அப்புறம் திருபரங்குன்றம், காளவாசல், அண்ணாநகர் என பைக்கில் ஒரு ரவுண்டு வரலாம்.

    நண்பர்களே! ஒவ்வொரு இடமா உங்களுக்கு சுத்தி காமிச்சு இப்போ நான் களைச்சுப்போயிட்டேன். இதோட போதும். இன்னும் சினிமா தியேட்டர், திருமலை நாயக்கர் மஹால், மதுரையை சுத்தி உள்ள இடங்கள், தமுக்கம் பொருட்காட்சி போடக்கூடிய நாட்கள் என சொல்லிக்கிட்டே போகலாம். 


44 கருத்துரைகள்:

தொடர்புக்கு: admin@tamilvaasi.com
TAMILVAASI PAGE RANK Check Google Page Rank
Best Blogger TipsBest Blogger Tips UA-18786430-1