! தமிழ்வாசி !

Gmail sidebar-ல் Google Calendar and Google Docs விட்ஜெட் இணைப்பது எப்படி?

2012-03-02T06:11:00.001+05:30

GMAIL settings -ல் gmail labs என்ற பகுதியில் பல வகையான விட்ஜெட்டுகள் உள்ளன. இதில் inserting images in text body, Additional Smiley Codes, Preview Pane போன்ற இன்னும் பல புதுமையான வசதிகளை இணைத்துக் கொள்ள வழி உள்ளது. Gmail அண்மையில் Google calendar மற்றும் Google Docs என இரண்டு விட்ஜெட்டுகளை gmail இன் சைடு பாரில் இணைக்கும் படி புதிய விட்ஜெட்டுகளை அறிமுகப்படுத்தி உள்ளது. இந்த விட்ஜெட்டுகளை சைடு பாரில் இணைப்பதால் இந்த சேவைகளை எளிதாக அடிக்கடி செக் செய்து கொள்ள முடிகிறது. நேரம் மீதமாகிறது. google calendarஇல் நமது மீட்டிங் உள்ள நேரங்கள், நிகழ்ச்சி நிரல்கள் போன்றவற்றை குறித்து வைத்துக் கொள்வதால் உடனுக்குடனே அறிந்து கொள்ள இந்த வசதி பயன்படுகிறது. google docs இல் நாம் இணைத்துள்ள documents களை எளிதாக பார்க்க முடிகிறது. அண்மைய காலத்தில் ஓபன் செய்த document களை உடனுக்குடனே அறிந்து கொள்ள முடிகிறது.

google calendar, google docs இரண்டையும் gmail sidebar இல் இணைக்கும் வழிமுறை:
1. உங்கள் gmail accountஇல் mail settings ஐ ஓபன் செய்யவும்.
2. mail setings இல் labs tab ஐ கிளிக் செய்யவும்.

3. scroll down செய்து Google Calendar Gadget and Google Docs Gadget ஐ கண்டுபிடித்து enable செய்யவும்.

4. enable செய்த பின்னர் save settings கொடுத்தால் refresh ஆகும்.
5. கீழே உள்ள படத்தில் widget எங்கு உள்ளது என காட்டப்பட்டுள்ளது.

6. அங்கே கிளிக் செய்தால் நாம் இணைத்துள்ள விட்ஜெட்டுகள் left sidebar இல் காட்டும்.

மேலும் விளக்கம் தேவையெனில் கீழே இணைத்துள்ள வீடியோவை பார்க்கவும்.

மின்சார ஆப்பும், டின்னர்ல பல்பும்...

2012-03-01T13:45:00.000+05:30

இன்னைக்கு பகல் ஷிப்ட் போக வேண்டி இருந்ததால் என் வொய்ப் சிக்கன் எடுத்துத் தரச் சொல்லியும் எனக்கு நேரமில்லாததுனால காலையில சிக்கன் வாங்க முடியல. இப்ப நைட் 7.15 மணிக்கு தான் வந்தேன். வந்ததும் ரெப்ரெஷ் ஆயிட்டு கம்ப்யூட்டரை ஆன் செஞ்சேன். என் யூபிஎஸ் பீப்.. பீப்...ன்னு கத்துச்சு. வீட்டுல லைட்டெல்லாம் ஆப் ஆயிருச்சு (கரண்ட் ஆப்பு). அதாங்க, ஏழரை சனி மாதிரி ஏழரை மணி கரண்ட் ஆப். இது தான் சான்ஸ்ன்னு வொய்ப் கடைக்கு போயி சாப்பிடலாம்னு சொல்லிட்டாங்க. ரைட்டுன்னு கிளம்பினோம். சிக்கன் வேணும்னு சொன்னதுனால சுகுணா பிரஷ் கடையில கிரில் சிக்கன் வாங்கித் தர்றேன்னு சொல்லிட்டு கூட்டிட்டு போனா, அந்த சுகுணா மூடியிருந்துச்சு. வேற, க்ரில்லுக்கு டைம் சரியிலைன்னு பிரியாணி சாப்பிடலாம்னு கோரிப்பாளையத்துல வேற கடைக்கு போனோம். அங்க சேர்ல உட்கார்ந்தோம். அப்போ அங்க 8.30 கரண்ட் ஆப் ஆச்சு(அங்கேயும் ஆப்பு). (ஆனா, அந்த டைம் என் வீட்டுல கரண்ட் வந்திருக்கும்) என்னடா சோதனைன்னு தலையில கையை வச்சேன்.

"சார், என்ன சாப்பிடுறிங்க" வெயிட்டர் கேட்டார்.
வெளியிலே மெனு போர்டு பார்த்ததுனால, " ரொட்டி நான் ரெண்டு தாங்க"
ரொட்டி இல்லை சார், கரண்ட் போயிருச்சு, போட முடியாது."(ஹி...ஹி.. பல்பு)
"ஏன்"
"கரண்ட் அடுப்புல சுட்டு எடுக்கனும்ல. கரண்ட் இல்லையே"
"சரி, வேற.. புரோட்டா இருக்கா?"
"இருக்கு சார், ஆனா அதுவும் இப்ப கெடைக்காது"
"ஏன்"
"அதான் கரண்ட் இல்லைன்னு சொன்னேன்ல"
"ஓ... அதுக்கும் கரண்ட் அடுப்பு தானா? சரி வேற என்னதான் இருக்கு?"
"மட்டன் பிரியாணி, சிக்கன் பிரியாணி இருக்கு"
"சரி, ரெண்டுலயும் ஒன்னொன்னு கொண்டு வாங்க" (வொய்ப் ஆர்டர் படி)
(வேற வழி, வந்து கை நனச்சாச்சு, வேற கடைக்கு போக மனசு இடம் தரல) (ஹி...ஹி.. பல்பு)
"ஓகே சார், வேற என்ன வேணும்"
"வேற என்ன சாப்பிடுற மாதிரி இருக்கு?"
"போன்லெஸ், லாலிபாப். பெப்பர் சிக்கன்..."
"சைடு டிஷ் கேட்கல, சாப்பிடுற மாதிரி வேற டிபன் என்னா இருக்கு?"
"கரண்ட் இல்லை, அதனால பிரியாணி மட்டும் தான் இருக்கு" (ஹி...ஹி.. பல்பு)
"சரி, வேற வேணும்னா சொல்றேன்" மொதல்ல பிரியாணி கொண்டு வாங்க"

இந்த கரண்ட் இல்லாம பிரியாணி மட்டுமே சாப்பிட வேன்டியிருக்கேன்னு நொந்துகிட்டேன். வொய்ப் என்னைய மொறச்சுக்கிட்டே இருந்தாங்க. காலையில சிக்கன் வாங்கி தந்திருந்தா சூப்பரா சாப்பிட்டு இருக்கலாமேன்னு அவங்க சொல்லாமலே எனக்குள்ள கேட்டுச்சு. ஹி...ஹி... எப்படின்னு கேட்கறிங்களா? அதாங்க கப்பிள்ஸ் வேவ் லெந்த்...

பிரியாணி வந்துச்சு.....

" சார், வேற என்ன வேணும்"
"சாப்பிடுற மாதிரி வேற என்ன இருக்கு"
"போன்லெஸ், லாலிபாப். பெப்பர் சிக்கன்..."
"ஆக. சைடு டிஷ் தான் இருக்குன்னு சொல்றிங்க? சரி, ஒரு லாலிபாப் கொண்டு வாங்க" (வொய்ப் ஆர்டர் படி... ஹி..ஹி..)

பிரியாணி நல்ல டேஸ்ட். லாலிபாப்பும் வந்துச்சு. அதுவும் நல்லா இருந்துச்சு. சாப்பிட்டு முடிச்சு பில் பே பண்ணிட்டு வீட்டுக்கு கிளம்பினோம்.
வர்ற வழியில பீடா வாங்கலாம்னு(ஸ்வீட் பீடா தாங்க) அம்மா மெஸ் பக்கத்துல இருக்குற பீடா கடைக்கு வந்தா, அப்போ தான் பீடாக்காரர் கடையை மூடினார். அங்கயும் ஏமாந்து (ஹி...ஹி.. பல்பு) அப்படியே வீட்டுக்கு வந்தோம் (மணி 9.15).

போஸ்ட் போட்டு ரெண்டு நாளாச்சேன்னு இந்த பதிவு எழுத ஆரம்பிச்சேன். எழுதிட்டே இருந்தேன். திடீர்னு கரண்ட் போச்சு (மணி 9.45) அடடா பதிவுக்கு வந்துச்சு ஆப்பு (இதுதாங்க மின்சார ஆப்பு). என்னங்க செய்றது? இந்த கரண்ட் ஆப் பிரச்சனையில வலிய போயி பிரியாணிய சாப்பிட வேண்டியதா போச்சு. ஒரு வழியா 10: 30 க்கு கரண்ட் வந்துச்சுங்க. விட்ட பதிவ எழுத ஆரம்பிச்சேன். இப்ப எழுதி முடிச்சுட்டேன்னு நினைக்கிறேன்.

இந்த பவர் கட் இம்சையினால ஹோட்டல்ல விரும்பினத சாப்பிடறதுக்கு கூட முடியலைங்க. இதுதாங்க டின்னர் பல்பு. ஹி...ஹி...

"வலைச்சரம்" சீனா ஐயா சிறப்புப் பேட்டி

2012-02-28T00:32:00.000+05:30

அன்பார்ந்த வலைப்பூ நண்பர்களே, தமிழ்வாசியில் முன்பே வெளியான வலைச்சரம் சீனா ஐயாவின் பேட்டி மீள்பதிவாக இங்கே...

01 : சீனா பெயர்க்காரணம் கூறுக

என்னுடைய பெயர் சிதம்பரம். எங்கள் உறவு முறையில் சீனாதானா என முதலிரண்டு எழுத்துகளை வைத்து அழைப்பார்கள். நான் அதில் இருந்து முதற் சொல்லை மட்டும் வைத்து சீனா எனப் புனைப் பெயர் வைத்துக் கொண்டேன். அவ்வளவு தான் - சீன நாட்டிற்கும் எனக்கும் எவ்விதத் தொடர்பும் இல்லை.

02: புதியதாக வலைப்பூ துவங்குபவர்க்கு நீங்கள் என்ன கூற விரும்புகிறீர்கள்?

புதியதாக வலைப்பூ துவங்குபவர்கள் முதலில் சிறிய சிறிய இடுகையாக எழுதலாம். மூன்று இடுகைகள் இட்ட வுடன் திரட்டிகளில் இணைக்கலாம்., தமிழ் மணத்தில் இணைப்பது அவசியம். பிறகு வருகிற மறுமொழிகளுக்கு அன்பான நன்றி கலந்த பதிலுரைகள் அளிக்க வேண்டும். அவர்களின் வலைப்பூவினிற்குச் சென்று படித்து மறு மொழி இட வேண்டும்.

பிறகு தமிழ் மணத்தில் உள்ள சூடான இடுகைகள் , வலது பக்கம் வரும் இடுகைகள் - இவற்றிர்க்கெல்லாம் சென்று படித்து மறு மொழிகள் இட வேண்டும். எதிர் மறை எண்ணங்கள் துவக்கத்தில் எழுத வேண்டாம். ஆக்க பூர்வமான நேர் மறை கருத்துகளையே துவக்கத்தில் எழுத வேண்டும்.

03 : இன்றும் நீங்கள் விரும்பிப் பார்க்கும் பழைய திரைப்படங்கள் எவை ? ஏன் ?
விரும்பிப் பார்க்கும் திரைப்படங்கள் எனில் - தில்லானா மோகனாம்பாள், வீர பாண்டிய கட்ட பொம்மன், கப்பலோட்டிய தமிழன், கல்யாணப் பரிசு இன்னும் எத்தனை எத்தனையோ ..... இப்பொழுதெல்லாம் பொழுது போக்குவதற்காக வீட்டிற்கு அருகில் உள்ள அம்பிகா திரையரங்கத்தில் சனி / ஞாயிறு ஏதேனும் ஒரு நாள் மாலைக் காட்சிக்கு என்ன படம் என்று கூடப் பார்க்காமல் சென்று விடுவோம். ஆக மாதத்தில் 4 / 5 படங்கள் அவ்வளவு தான்.
04 : பணி ஓய்விற்கு முந்தைய வாழ்க்கை - பிந்தைய வாழ்க்கை . இந்த இரண்டில் தங்களுக்குப் பிடித்த, மகிழ்ச்சியை அளிக்கக் கூடிய வாழ்க்கை எது ? ஏன் ?

பணி நிறைவிற்குப் பின் - பணி நிறைவிற்கு முன் - ஓய்வு என்ற சொல்லே நமது அகராதியில் இருக்கக் கூடாது. இறுதி வரை ஏதேனும் செய்து கொண்டே இருக்க வேண்டும். சரி எது பிடித்ததெனில் - எதெது எவ்வப்பொழுது நடக்கிறதோ அதனை அப்படியே ஏற்றுக் கொள்ளும் எண்ணம் கொண்டவன். திட்டமிடுதல் எல்லாம் கிடையாது. செய்பவை அனைத்துமே பிடிக்கும். முன்னர் பணிச்சுமை அதிகம் - தற்பொழுது நேரம் எவ்வாறு கழிப்பதென எண்ணம். இரண்டுமே பிடித்திருக்கிறது. பணி புரிந்த காலத்தில் செல்ல இயலாத இடங்களுக்கெல்லாம் இப்பொழுது செல்கிறோம். ஆன்மீகச் சிந்தனை வளர்ந்திருக்கிறது.

05 : நீங்கள் எத்த்னை பேரிடம் ஐ லவ் யூ சொல்லி இருக்கிறீர்கள் ? அப்படி சொல்லி அடி வாங்கிய அனுபவம் உண்டா ?

ஐ லவ் யூ சொல்வது மிகவும் எளிதான செயல். அன்பினைப் பகிர்வதர்க்கு யாருடைய அனுமதியும் தேவை இல்லை, அடியும் வாங்க வேண்டியதும் இல்லை. காதல் எல்லாம் கல்லூரி வாழ்க்கையோடு சரி. இப்பொழுது சில நேரங்களில் நினைத்துப் பார்ப்பதுண்டு. அவ்வளவு தான். எங்கள் காலத்தில் காதல் என்பது அவ்வளவு எளிதல்ல.

06 : வலயுலகில் உங்கள் சாதனை என்ன ? அச்சாதனையை எட்டிப் ப்டிக்கக் காரணமாக இருந்தது எது ?

ஒரு புகழ் பெற்ற ஓவியரிடம் ஒருவர் கேட்டாராம். உங்களின் படைப்பிலேயே சிறந்த படைப்பு எது என. அவர் பதிலளித்தாராம் - எனது அடுத்த படைப்பெனெ. நீதி என்ன வெனில் சாதனை என்று ஒன்றுமில்லை. நாளுக்கு நாள் முன்னேற வேண்டும். பிரபலமாக வேண்டும். எழுதும் திறமை வளர்க்க வேண்டும். நட்பு வட்டம் பெருக வேண்டும்.

நாங்கள் அயலகம் சென்றிருந்த போது, நேரத்தைச் செலவிட, தேடிய பொழுது, தமிழ்ப் பதிவுகள் கண்களில் பட்டன. அதனை ஆய்ந்து நானும் ஒரு வலைப்பு ஆரம்பித்து நான் பிறந்ததில் இருந்து .... என வாழ்க்கைச் சரிதம் எழுத ஆரம்பித்தேன். நடை ஒரு மாதிரி இருந்தாலும் மறு மொழிகள் அதிகம் வந்த காரணத்தினால் தொடர்ந்து எழுதினேன். பிறகு கணினியில் அதிக நேரம் செலவிடும் வாய்ப்பு ( தினசரி 10 / 12 மணி நேரம் ) கிடைத்தது. கண்ணில் பட்டவற்றை எல்லாம் படித்தேன் - மறு மொழி இட்டேன். டெம்ப்ளேட் மறுமொழி அல்ல - 2 3 வரிகள் இடுகையில் இருந்து எடுத்துப் பாராட்டி எழுதிய மறுமொழிகள். திரட்டி தமிழ் மணத்தில் "ம" திரட்டியில் தினசரி என் பெயர் முதலில் இருக்க வேண்டும் என வெறியுடன் படித்து எழுதினேன். பின்னூட்டப் பிதாமகன் எனப் பெயர் பெற்றேன். இப்பொழுது இருக்கும் பதிவர்களுக்கு நான் அதிகம் அறிமுகமில்லாதவனாக இருக்கலாம். நான் சென்று பார்வை இட்ட பதிவர்களின் பெயர்கள் ஒரு இடுகையில் இட்டிருக்கிறேன். சென்று பார்க்க அன்புடன் அழைக்கிறேன்.

http://blogintamil.blogspot.com/2008/02/blog-post_6972.html

http://blogintamil.blogspot.com/2008/02/2.html

07 : தற்போது சில பதிவர்களிடையே கருத்து மோதல் ஏற்படுகிறேதே ? இதைப் பற்றி தங்கள் கருத்து ?

எழுத்தாளர்கள் என்றாலே சர்ச்சை இருக்கத்தான் செய்யும். தவிர்க்க இயலாது. சங்க காலத்திலேயே புலவர்கள் சர்ச்சை செய்திருக்கிறார்கள். ஆகவே கருத்து மோதல் என்பது தவறல்ல. ஆனாலும் வரம்பு மீறாமல் இருக்க வேண்டும். அணி சேர்க்கக் கூடாது. ஊதிவிட்டு மகிழ்பவர்களைத் தவிர்க்க வேண்டும். ஆனால் எனக்குத் தெரிந்த வரை எல்லா மோதல்களுமே சுபமாகத் தான் முடிந்திருக்கிறது. ரசிப்போம்.

08 : உங்களூக்கு சிகரெட், மது பானம் போன்ற பழக்கங்கள் உண்டா ?

இப்பழக்கங்கள் இல்லாத மனிதனே கிடையாது. யாராவது நான் நினைப்பது கூடக் கிடையாதென்று கூறினால் அவன் தான் உலக மகா பொய்யன். வாழ்வினில் ஒரே ஒரு தடவையாவது மது / புகை பிடித்தல் இவற்றில் ஈடு படாதவனே கிடையாது. பல்வேறு சந்தர்ப்பங்களில் பல்வேறு காரணங்களினால் ஈடு படுவார்கள். தவறில்லை. ஆனால் அடிமையாகக் கூடாது.

09 : மனைவியிடம் பொய் சொல்லி மாட்டிக்கொண்ட அனுபவம் உண்டா?

அந்தரங்கம் புனிதமானது. இருப்பினும் வள்ளுவரே கூறிய படி பொய்யும் பேசலாம் அவை நன்மை பயக்குமெனில். கண்டு பிடிக்கும் திறமை பெண்களிடம் அதிகம்.

10 : இது தேர்தல் சமயம் என்பதால் கேட்கிறேன். யார் ஆட்சிக்கு வந்தால் நல்லதென நினைக்கிறீர்கள் - ஏன் ?

இனிமேல் பிறப்பவர் ஆட்சிக்கு வந்தால் தான் நல்லது. இருப்பவர்களில் ஒருவரைத் தேர்ந்தெடுக்க வேண்டுமெனில் கோடி வீட்டில் கொள்ளி வைப்பவர்தான் இன்று சிறந்தவர்.

11 : பணி செய்த காலத்தில் லஞ்சம் வாங்குவது / கொடுத்தது

உண்டா ?

லஞ்சம் வாங்குவதற்கான வாய்ப்புகள் உள்ள பதவியில் நான் இல்லை. அதனால் லஞ்சம் வாங்க வில்லை. வாய்ப்புகள் வந்து நான் வாங்க வில்லை எனில் தான் நான் உயர்ந்தமனிதன். இன்று லஞ்சம் கொடுக்காமல் ஏதேனும் செய்ய இயலுமா ? அரசு இயந்திரங்கள் செயல் படும் விதம் உலகம் அறிந்ததே!

12 : உங்களை சோகத்தில் ஆழ்த்திய நிகழ்ச்சி எது ?

தாயும் தந்தையும் இறந்தது தான்.

13 : வலைச்சர ஆசிரியராக வாரம் ஒருவரைத் தேர்ந்தெடுத்து எழுதச் சொல்வது போல - என் பதிவினிற்கு உங்களை ஒரு வாரம் ஆசிரியராக நியமித்தால் - என் வலைப்பூவினில் எழுதுவீர்களா ?

எழுத மாட்டேன். ஏனெனில் நான் தற்பொழுது என் வலைப்பூவினிலேயே எழுதுவதில்லை.சிறப்பான காரணம் ஒன்றும் இல்லை.,

14 : பிரபல பதிவராக என்ன செய்ய வேண்டும் ?

இரண்டாவது கேள்விக்கான பதில் இதற்கும் பொருந்தும். அடிப்படை எண்ணம் நம் திறமையினை வளர்க்க வேண்டும். நாளுக்கு நாள் எழுத்து மிளிர வேண்டும். படிப்பவர்கள் / தொடர்பவர்கள் அவர்களாகப் பெருக வேண்டும். நாம் ஒவ்வொருவரையும் வாருங்க எங்கள் வீட்டிற்கென அழைப்பதெல்லாம் ஆரம்ப காலத்திலேயே நிறுத்தி விட வேண்டும். தொடர்ந்து அழைத்தால் வெறுப்பு கூடும். டெம்ப்ளேட் மறுமொழிகள் / மொக்கை / கும்மி - மழை பொழியும். பயனில்லாத ஒன்றாகச் சென்று விடும்.

15 : இந்தியாவில் உங்களுக்குப் பிடித்த, பிடிக்காத இடங்கள் எவை ?

பிடித்த இடங்கள் சென்று இரசித்த இடங்கள் அனைத்துமே - பிடிக்காத இடங்கள் செல்லாத இடங்கள் அனைத்துமே !

16 : அடுத்த தலைமுறை என்று ஒன்றிருந்தால் நீங்கள் என்னவாக பிறக்க ஆசைப் படுகிறீர்கள் ?

அடுத்த பிறவியே வேண்டாமென விரும்புகிறேன். நம் கையில் இல்லையே !

17 : உங்களிடத்தில் உங்களுக்குப் பிடித்த, பிடிக்காத விஷயங்கள் எது ?

என்னிடத்தில் எனக்குப் பிடித்த குணம் - என் தன்னம்பிக்கை. எதனையும் செய்து முடிக்க இயலும் என்ற நம்பிக்கை. பிடிக்காதது என் சோம்பேறித் தனம். அது என் இரத்தத்தில் ஊறியது. இரண்டும் முரண்பட்டதல்ல - இரண்டுமே ஒட்டிப் பிறந்த இரட்டைக் குழந்தைகள்.

இதுவரை நான் சீனா ஐயாவிடம் கேட்ட கேள்விகளைப் படித்தீர்கள். இனி வாசகர்கள், நண்பர்களின் கேள்விகள்.

ம.தி.சுதா; www.mathisutha.blogspot.com

என்னுடைய கேள்வி என்னண்ணா உங்களுக்கு வலைச்சரம் என்ற ஒரு தரமான வலை பதிவை தொடங்கும் ஐடியா எப்படி தோன்றியது?
வலைச்சரம் காலஞ்சென்ற நண்பர் சிந்தாநதியால் துவங்கப்பட்டு 11.11.2006 - இல் முதல் இடுகை இடப்பட்டது.

http://blogintamil.blogspot.com/2007/02/blog-post.html

http://blogintamil.blogspot.com/2007/02/blog-post_26.html

வலைச்சரத்தின் முதல் ஆசிரியராக பொன்ஸ் பொறுப்பேற்றிருக்கிறார். பிறகு பணிச்சுமை காரணமாக சிந்தாநதி ஆசிரியர்கள் குழுவாக பொன்ஸையும் முத்துலெட்சுமியையும் சேர்த்துக் கொண்டார். பிறகு என்னிடம் பொறுப்பாசிரியர் பணி வந்தது.

***************************************************************

ரஹீம் கஸாலி; http://ragariz.blogspot.com/

ஒரு வாரத்திற்கு வலைச்சரத்தில் ஆசிரியராக பணியாற்ற எதன் அடிப்படையில் பதிவர்களை தேர்ந்தெடுக்கிறீர்கள் என்று அறிந்து கொள்ளலாமா?

குறிப்பிட்டுச் சொல்லும் படியாக விதி முறைகள் இல்லை. எல்லோருடைய இடுகைகளையும் படித்துக் கொண்டே போகும் போது, இவர் ஆசிரியப் பொறுப்பேற்க தகுதியானவர் என மனதில் படும் பொழுது அவரை அழைத்து விடுவோம். அவ்வளவுதான்.

***************************************************************

நா.ஜானகிராமன்; http://podhujanam.wordpress.com/

பதிவுகளின் பின்னுட்டத்தில் டெம்ப்ளேட் கமெண்ட்களை (மீ த பர்ஸ்ட், முத வடை, முத வெட்டு, ரைட்டு, இன்ன பிற) போடுபவர்களை தடுக்க என்ன செய்யலாம்?

மட்டுறுத்தல் வைக்கலாம். வெளியிடாமல் இருக்கலாம். போனாப்போறாங்களே! போட்டுட்டுப் போறாங்களே!

இன்னும் 5 வருஷம் கழிச்சி தமிழ் பதிவுலகம் எப்படி இருக்கும்?

பதிவர்களின் எண்ணிக்கை பன்மடங்கு பெருகி இருக்கும். தரமான இடுகைகள் வெளி வரும். ஆரோக்கியமான விவாதங்கள் நடைபெறும்.

புதிதாக எழுத வரும் புதுப்பதிவர்களை ஆக்கப்பூர்வமாக உற்சாகப்படுத்தி வழிநடுத்துவதில் பிரபல பதிவர்களின் பங்கு என்ன? (இப்பல்லாம், பதிவர்கள் பிரபலமாய்டாலே அவருக்கென்று ஒரு குழுவை சேர்த்துக்கொண்டு சுருங்கிவிடுகிறார்கள் /புதுப்பதிவர்களின் பதிவுகளுக்கு கமெண்டிடுவதை நேர விரயம் என்று நினைக்கிறார்கள்)

உண்மை தான் - நேரமின்மை என்பது உண்மையான காரணம். இருப்பினும் எல்லோருடைய இடுகைகளையும் படிப்பவர்கள் அனேகம் பேர். நாம் எழுதும் எழுத்துகள் மற்றவர்களைச் சுண்டி இழுக்க வேண்டும். பிரபல பதிவர்கள் என்று ஒருவரும் பிறப்பது கிடையாது. நட்பு வட்டம் குழுக்கள் - இவை எல்லாம் தவிர்க்க இயலாது. புதுப் பதிவர்களிடையேயும் குழுக்கள் உள்ளனவே!

***************************************************************

லக்ஷ்மி - echumi; http://www.echumi.blogspot.com/

நான் ப்ளாக்குக்கு புதுசு. கடந்த 5 மாதங்களாகத்தான் பதிவு எழுதி வருகிறேன். வலைச்சரத்தில் என்னை இதுவரை, 4-பேர்கள் அறிமுகம் செய்திருக்கிறார்கள். நானும் நிறைய ப்ளாக் போயி, மத்தவங்க பதிவெல்லாம் படிச்சு பின்னூட்டமும் கொடுத்து வருகிறேன். எல்லாரும் கலக்கலா எழுதராங்க. அவங்களுக்கு முன்னாடி நான் u,k,g. l,k,g. கூட இல்லை. ஆனாகூட நிறைய நிறைய எழுதனும்னு ஆர்வம் மட்டும் நிறையவே இருக்கு. உங்ககூட அறிமுகமும் இல்லை .இப்பதான் முதல் முதலா பேசரேன். எந்தவிதத்தில் என்ப்ளாக்கை இன்னமும் சிறப்பாக வைக்கமுடியும். தகுந்த ஆலோசனை தருவீர்களா. கம்ப்யூட்டரைப் பற்றியும் அதிகம் தெரியாது. முகம் தெரியாத பல நண்பர்கள் சமயத்தில் தகுந்த ஆலோசனைகள் சொல்கிரார்கள். ப்ளாக் எழுத ஆரம்பித்த பிறகு தான் எனக்கு நல்ல பல நட்புகள் கிடைத்திருக்காங்க. ரொம்ப சந்தோஷமா இருக்கு. பாக்கப்போனா எனக்கு வயது கொஞ்சம் அதிகம் தான். என் சொந்தபந்தங்களே நான் கம்ப்யூட்டரில் எழுதுவதற்கு எகைன்ஸ்டதான் இருக்காங்க. எங்கரேஜ் மெண்டே கிடையாது. என்பதிவுக்கு வரும் பின்னூட்டம்தான் எனக்கு எனர்ஜி. நான் எழுதுவது என்பக்கம் யாருமே படிச்சுகூட மாட்டாங்க. எனக்கு அதைப்பத்தியெல்லாம் கண்டுக்கொள்வதே இல்லைதான். முடிந்தால் டைம் கிடைத்தால் என் ப்ளாக் வந்து என் ப்ளாக் படிச்சு எனக்கு தகுந்த ஆலோசனை சொல்லுங்க.

கலங்க வேண்டாம். - தொடர்பு கொள்க - cheenakay@gmail.com

(9840624293) படிக்கிறேன்.

***************************************************************

குண்டு(ராஜகோபால்); http://enpakkangal-rajagopal.blogspot.com/

வலைபூ வரமா? சாபமா?

கூகுள் இலவசமாக அனைவருக்கும் ஒரு இடம் கொடுத்தது நல்லது தான் இதனால் பலர் தமது படைப்புகள் உலகத்தில் உள்ள அனைவர் பார்வைக்கும் கட்டுபாடுகளின்றி வழி கிடைக்க செய்தது மற்றும் நண்பர்கள் வட்டம் பெருக செய்தது சரி, அது போல பல ஆபாச தளங்கள் பெருக செய்வதர்க்கும் துணை புரிகிறதே உங்கள் கருத்து என்ன?

கத்தியின் இருபக்கம் கூர்மையாகத்தான் இருக்கும். பயன்படுத்துபவர்கள் சாக்கிரதையாக பயன் படுத்த வேண்டும். அதே தான் இங்கும் (இரண்டு கேள்விகளுக்கும்)

வலைச்சரத்தில் பன்னிக்குட்டியின் (ராம்சாமி) பின்னூட்ட சாதனை பற்றி உங்கள் கருத்து?

பன்னிக்குட்டி ராமசாமி ஒரு விளையாட்டிற்காக - ஏற்கனவே இருந்த ரெகார்ட், பிரேக் பண்ண வேண்டும் என்ற எண்ணத்தில் அவரது நண்பர்கள் செய்தது அது. தவறென்று கூற மாட்டேன். தவிர்க்கலாம். இனி தவிர்ப்போம்.

***************************************************************

ஆசியா உமர்; http://asiyaomar.blogspot.com/

குடும்பத்தலைவிகள் பதிவர்களாவது பற்றி உங்கள் கருத்து. அவர்கள் இணையத்தில் நேரங்களைச் செலவழிப்பதால் ஏற்படும் நன்மை தீமை என்ன?

       அது அப்பெண்கள் தீர்மானிக்க வேண்டிய நிகழ்வு. பதிவர்களாகி வெற்றிகரமாக நடத்துகிறார்கள். குடும்பச் சுமைகளையும் அவர்கள் தான் தீர்மானிக்க வேண்டும்.

பதிவுலக அரசியல் என்றால் என்ன? தகுதியிருந்தும் பதிவுலக அரசியல் பின்பலம் இருந்தால் தான் பிரபலமாகலாம் என்று சொல்கிறார்களே உண்மையா? இந்த அரசியலில் சிக்காமல் பிரபலமாவது எப்படி?
       பதிவுலக அரசியல் என்பது என்ன என்று எனக்கும் புரியவில்லை. ஆனால் தவிர்க்க வேண்டும். பிரபலமாவதற்கும் இதற்கும் தொடர்பு கிடையாது

சமையல் வலைப்பூ வைத்திருப்பவர்களுக்கு தாங்கள் கூறும் ஆலோசனை என்ன? வெஜ்,நான்வெஜ் இருவகையினரையும் திருப்திபடுத்த தனித்தனி வலைப்பூ வைத்திருப்பது நல்லதா?அல்லது ஒரே வலைப்பூவில் இரண்டும் கலந்து கொடுக்கலாமா? தாங்கள் எல்லா மக்களுடன் கலந்து பழகுபவர் என்பதால் இந்த கேள்வி,சுத்த சைவப்பிரியர்களுக்கு ஒரே வலைப்பூவில் இரு வகையான குறிப்புக்கள் கொடுப்பதால் அவர்களின் மனநிலை எவ்வாறு இருக்கும்? அவர்கள் வந்து செல்வதில் தடை ஏற்படுமா?
      சமையல் கலை பற்றி எழுதுபவர்கள் இரண்டையும் கலந்தே எழுதலாம். யார்க்கு எது வேண்டுமோ அவர்கள் அதனை எடுத்துக் கொள்வார்கள். வந்து செல்வதில் தடை இருக்காது.

உணவுப் பழக்கத்தில் உங்கள் வரையறை என்ன?
   புரிய வில்லை. உணவுப் பழக்கத்தில் வரையறை என்று ஒன்றும் இல்லை.

ஒன்றிற்கு மேற்பட்ட வலைப்பூக்கள் வைத்துக்கொள்வது பற்றி தங்கள் கருத்து. எப்பொழுதும் பரபரப்பாக செயல்படும் வலைப்பூவினரை கண்டு ஆச்சரியப்படுவதுண்டு, அவர்களின் வேலைச் சிரமங்களை எவ்வாறு சமாளிக்கிறார்கள்? எப்பொழுதும் வலைப்பூவில் இருந்தால் குடும்பத்தையும், தங்களையும் அவர்களால் கவனிக்க முடியுமா?
      எத்தனை வலைப்பூக்கள் வேண்டுமானாலும் வைத்துக் கொள்ளலாம். எழுதும் திறமையும் நேரமும் இருப்பின் செய்யலாம். குடும்பத்தையும் கவனிக்க வேண்டும். திட்ட மிட வேண்டும்.

****************************************************************

ரத்தினவேல்; http://rathnavel-natarajan.blogspot.com/

தமிழில் வெளிவரும் வலைப்பதிவுகளில் அதிகம் படிக்கப்படும் 'முதல் பத்து வலைப்பதிவுகள்' எவை என்ற விபரங்கள் அளிக்க வேண்டுகின்றேன்.
தமிழ் மணத்தில் தற்பொழுது ரேங்க் வருகிறதே!

***************************************************************

Speed Master;www.speadsays.blogspot.com

1 Japanese yen = 0.552670994 Indian rupees

1 Vietnamese dong = 0.00217855036 Indian rupees

நம் பணமதிப்பு அந்த நாடுகளை விட அதிகமாக உள்ளது ஆனால் பொருளாதாரத்தில் நாம் அவர்களை விட பின்தங்கியுள்ளோம். மக்கள் வாழுவதற்கான சிறந்த நாடுகளில் நம்மளை விட பணமதிப்பில் குறைவாக உள்ள வியட்நாம் 5 வது இடத்தில் உள்ளது. யாரேனும் விளக்கவும்?

இது தனிப்பட்ட முறையில் விவாதிக்கலாம். பல காரணங்கள் உண்டு. ஊழல் முதலான காரணம்.

பன்னிக்குட்டி ராமாசாமி அவர்கள் : ஜப்பானில் 100யென் தான் ஒரு பணம் என கூறினார்கள். அப்படி என்றால் நாம் கூறும் 100 பைசாக்கள் போலதான் அந்த 100யென் மதிப்பா யாரேனும் விளக்கம் கூறுங்கள்.
இல்லை - யென் என்பது தான் கடைசி ஜப்பானில். ஒரு யென் என்பது இந்திய மதிப்பில் ஐம்பத்து ஐந்து பைசா என நினைக்கிறேன்.

வண்ணங்களுக்கு Colour என்று சொல்லுவோம் ஆனால் கணினியில் COLOR என்றுதான் கூறிகிறோம். ஏன் என்று காரணம் சொல்லவும்?

ஆங்கிலம் - அமெரிக்க ஆங்கிலம், பிரிட்டீஷ் ஆங்கிலம் என வேறுபாடுகள் உள்ளன. கலர் என்றால் color என்பதும் colour என்பதும் இந்தியாவில் வண்ணம் என்பதற்கு பயன்படுத்துகிறோம்.

பெரிய பெரிய நிறுவன்ங்களுக்கு 24 மணி நேரம் மின்சார இணைப்பு கொடுத்து ஏழைகளையும், நடுத்தர மக்களையும் கஷ்டப்படுத்துவது ஏன்?

இதற்கெல்லாம் ஆயிரம் காரணங்கள் உள்ளன. விவாதிக்க இயலாது. நிறுவனங்களின் தயவு அரசிற்கு வேண்டும்.

வெயில் அதிகமாக இருக்கும் நம் நாட்டில் சோலர் சிஸ்ட்த்தை குறைந்த பட்சம் பெரிய பணக்கார நிறுவனங்கள் கூட கண்டுகொள்ளாதது ஏன்?
பலர் பயன்படுத்துகின்றனர். பெரிய அளவில் தொடர்ச்சியாக இல்லை. இதற்கும் பல காரணங்கள் உண்டு.

***************************************************************

அமைதி அப்பா; www.amaithiappa.blogspot.com

       நான் சமூக சீர்திருத்தம் பற்றி மட்டுமே எழுத விரும்புகிறேன். எனது மகன், எல்லா விஷயங்களையும் எழுது என்கிறான். ஆனால், நான் எப்படி ஆரம்பித்தாலும் சமுக விழிப்புணர்வை விட்டு என்னால் வெளியில் வர முடியவில்லை. மற்ற விஷயங்கள் குறித்துதான் அனைவரும் எழுதுகிறார்களே, நாம் இந்த ஒரு விஷயத்தோடு நிறுத்திக் கொள்வோமென்று முடிவு செய்து விட்டேன். இது சரியா?
       இது நீங்கள் முடிவு செய்ய வேண்டிய செய்தி. தவறென்றோ சரியென்றோ யாரும் கூற இயலாது.

நான் எழுதுவதை ஒரு சிலர் தவிர படிப்பதில்லை. இருந்தும் ஆளில்லா கடையில் டீ ஆத்துவது போல் எழுதிக் கொண்டிருக்கிறேன். இது எவ்வளவு நாள் சாத்தியமாகும்?
       இது நீங்கள் கொஞ்ச நாட்கள் பல வலைப்பதிவுகளுக்கும் சென்று படித்து மறுமொழி போடுங்கள். அவர்களை உங்கள் வலைப்பூவினிற்கு அழையுங்கள். ஆனால் தொடர்ந்து செய்ய வேண்டாம். முடிந்த வரை தமிழ் மணத்தில் வரும் அத்த்னை பதிவுகளுக்கும் சென்று மறு மொழி இடுங்கள் - தன்னால் உங்கள் வ்லைப்பூவினிற்கு அவர்கள் வருவார்கள். எழுதுவது கொஞ்சம் கவர்வதாக எழுதுங்கள்.

எந்த மாதிரி கேள்விகள் கேட்டால் நாம் சிறப்பாக பதில் சொல்லலாம் என்று இருந்தீர்கள். அந்த மாதிரியான ஒரு கேள்வியும், அதற்குரிய பதிலையும் வாசகர்களுக்கு தெரிவிப்பீர்களா?
       அப்படி எல்லாம் ஒன்றுமில்லை.

***************************************************************

C.P. Senthil kumar; www.adrasakka.blogspot.com

நான் கடந்த 6 மாதமாக பார்த்ததில் வலைச்சரத்தில் ஃபிலாசபி பிரபாகரனின் உழைப்பு பிரம்மிக்க வைத்தது. அவருக்கு எதாவது ஸ்பெஷல் கிஃப்ட் கொடுத்தீங்களா?
       வாய் நிறைய வாழ்த்துகளும் மனம் நிறைய பாராட்டுகளூம் தான்.

வலைச்சரம் ஆசிரியர் பணிக்கு எந்த அடிப்படையில் ஆட்களை செலக்ட் பண்றீங்க?
       இரண்டாம் கேள்விக்கான பதில்.

வலைத்தளத்தை அறிமுகப்படுத்தும் படலமே போதும்ங்கற தைரியமான எண்ணம் உங்களுக்கு எப்படி வந்தது?
       முதல் மற்றும் இரண்டாம் கேள்விக்கான பதில்.

***************************************************************

முனைவர் இரா. குணசீலன்; www.gunathamizh.blogspot.com
தமிழ் வலையுலகில் கல்விப்புலம் சார்ந்தவர்களின் பங்கு எவ்வாறு உள்ளது?
       அவரவர்கள் அவரவர்கள் துறையில் சிறப்புடன் பணியாற்றுகின்றனர்.

ஒரு சிறந்த வலைப்பதிவுக்கு என்ன தகுதிகள் இருக்கவேண்டும்?
(பார்வையாளர் எண்ணிக்கையா? நிறைய இடுகைகளா? ....????)
        இதற்கென்று தனித் தகுதி கிடையாது. பொதுவாக மறுமொழிகள் / இடுகைகள் / பின் தொடர்பவர்கள் இவைகளை வைத்தும் தமிழ மணத்தின் ரேங்க் படியும் சிறந்த வலைப்பதிவென கூறலாம்.

தமிழ் வலையுலகம் இன்னும் சராசரி மக்களுக்கும் சென்றடைய எது
தடையாக உள்ளது?
கேள்வி புரியவில்லை. வலையுலகம், இணையத் தொடர்பு உள்ள அனைவருக்கும் செல்கிறது. கொஞ்சம் ஈடுபாடு வேண்டும். தமிழில் எழுத, படிக்க ஆர்வம் வேண்டும். பிளாக் பற்றிக் கொஞ்சம் தெரிந்து கொள்ள வேண்டும். சராசரி மக்கள் என்பவர்கள் யார்? இணையத் தொடர்பு இல்லாதவர்களா? தமிழில் படிக்க ஆரவமில்லாதவர்களா?

மதுரைப் பதிவர்கள் கல்லூரிகளில் தமிழ் வலைப்பூக்கள் ( பிளாக் ) பற்றி மாணவர்களுக்கு விழிப்புணர்வு வகுப்புகள் எடுக்கிறோம். கல்லூரி அனுமதியுடன் - இரு வகுப்புகள் எடுக்கிறோம். பிளாக் துவங்குவது, தமிழில் எழுதுவது இவை பற்றி வகுப்பெடுக்கிறோம். ஈரோடு பதிவர்கள், திருப்பூர் பதிவர்கள் பல கல்லூரிகளில் வகுப்பெடுக்கிறார்கள்.

(ஆலோசனைகள் வரவேற்கப்படுகின்றன).

***************************************************************

பிரபாஷ்கரன்; http://writerprabashkaran.blogspot.com/

இன்றைய வளர்ச்சி என்பதன் மூலம் எதனைக் குறிப்பிடுகிறீர்கள்?

அறிவியல் வளர்ச்சி - தொழில் நுடப் வளர்ச்சி அனைவருக்கும் கிடைக்கும். அதனை பெறுவதற்கான வசதிகள் உள்ளவர்களுக்கு,
.

பைக் ஸ்டாண்டு ஏன் இப்படி இருக்கு?

2012-02-24T09:01:00.000+05:30

ஏதோ, குடும்பத்தோட நாலு பேரா சேர்ந்து போற மாதிரி கார் தான் வாங்க முடியாட்டியும், அட்லீஸ்ட் ரெண்டு பேராவது போற மாதிரி கடன உடன வாங்கி, லோனு கீனு போட்டு பிக்கப் இருக்குற மாதிரி, மைலேஜ் அதிகமா, இன்ஜின் லைப் நல்லா இருக்குற மாதிரி நாலு கம்பெனி வண்டிகள அலசி ஆராய்ஞ்சு ஒரு பைக்கை ஆசையா வாங்கறோம். வாங்கிட்டு வீட்டுல நிறுத்திட்டு பைக்கை பாக்கும் போதெல்லாம் நமக்குன்னு சொந்தமா ஒரு பைக் இருக்கித நெனச்சு ரொம்ப சந்தோஷப்படுவோம். லேசா தூசி பட்டாலும் ஆளாளுக்கு துணிய வச்சு தொடைப்போம். இப்படி நம்ம வண்டிய தங்கமா நெனச்சு இருப்போம். இப்படிப்பட்ட பைக்கை நாம ஆபீசுக்கு போகறப்போ அல்லது ஊருக்கு போகறப்போ பைக் ஸ்டாண்டில் நிருதிட்டுப் போக வேண்டிய சூழ்நிலை வரும். பைக் ஸ்டாண்டுல நம்ம வண்டி நம்பர சொல்லிட்டு நிழலான இடமா இருக்கா, வண்டிய நிறுத்த நல்லா விலாசமான இடமா இருக்கான்னு பாத்து பாத்து அந்த பைக் ஸ்டாண்டையே ஒரு ரெண்டு மூணு தடவ சுத்தி சுத்தி வந்து ஒரு இடத்தை சூஸ் பண்ணி நிறுத்திட்டு நம்ம வேலையை பாக்க போயிருவோம்.

அப்புறமா நம்ம வேலையெல்லாம் முடிச்சுட்டு பைக் எடுக்கலாம்னு நாம நிறுத்தின இடத்துக்கு வந்து பார்த்தோம்னா, அங்க நம்ம பைக் இருக்குற நிலைமையை பார்த்தோம்னா நமக்கு கண்ணீரே வந்திரும். ஆமாங்க, நம்ம பைக்கோட சைடு மிர்ரர் ரெண்டும் வேற பக்கமா திரும்பி இருக்கும். பக்கத்து பைக்குக்கும், நம்ம பைக்குக்கும் கேப்புன்னு பார்த்தோம்னா ஒரு இஞ்ச் கூட இருக்காது. வண்டியோட பம்ப்பர் பக்கத்து வண்டியோட பம்ப்பர் கூட சேர்ந்து இருக்கும். கேபிள் வயர்கள் பக்கத்து வண்டியோட ஹேண்டில் பார்ல மாட்டிட்டு இருக்கும். அப்புறமா ரோட்டுல இருக்குற தூசி, புழுதியெல்லாம் நம்ம வண்டி மேல இருக்குற மாதிரி ஒரு பீலிங் வரும். வேறென்ன செய்றது? நம்ம வண்டிய அந்த இடத்துல இருந்து எடுக்கணும்னா அந்தப்பக்கம் அஞ்சாறு வண்டிகளையும், இந்தப்பக்கம் அஞ்சாறு வண்டிகளையும் கொஞ்சம் கொஞ்சமா நகத்தி கடைசியா நம்ம வண்டியை எடுக்க வேண்டிஇருக்கும். அங்க ஸ்டாண்டுல இருக்கறவங்கள ஹெல்ப்புக்கு கூப்பிடலாம்னு பார்த்தா,அப்பா பார்த்து அவங்க வேணும்னு வேற பக்கமா திரும்பிக்கிட்டு இருப்பாங்க. இல்லையினா யார்கிட்டயாவது வாக்கு வாத்ததுல இருப்பாங்க.

ஒரு வழியா வண்டியை வெளியே எடுத்து துணிய வச்சு தூசி போற மாதிரி தொடச்சு வீட்டுக்கு போறப்ப இனிமே ஸ்டாண்டுல பைக் வைக்கக் கூடாதுன்னு முடிவு பண்ணுவோம். ஆனாலும், அடுத்த நிமிசமே, வேலைக்கு ஊருக்கு போகணும்னா இந்த கஷ்டத்தை எல்லாம் சந்திச்சு தான் ஆகணும்னு நாமல நாமளே தேத்திக்கணும்.

Offline-இல் Wikipedia தளத்தை உபயோகப்படுத்துவது எப்படி? Download Pocket Wikipedia

2012-02-21T14:05:00.000+05:30

உள்ளடக்க கட்டுரைகள், விளக்கங்கள் என எல்லாவற்றுக்கும் அர்த்தம் தேடித் தரும் தளங்களில் முதல் தளமாக விக்கிபீடியா தளம் உள்ளது. இந்த தளத்தில் ஆங்கிலத்தில் மட்டுமே சுமார் 3.8 மில்லியன் கட்டுரைகள் உள்ளன. உலகம் முழுதும் சுமார் 365 மில்லியன் வாசகர்களைக் கொண்டு அலாஸ்கா தரவரிசை முன்னணியில் ஆறாம் இடத்தைப் பெற்றுள்ளது விக்கிபீடியா. எந்தவித லாப நோக்கில்லாமல் இயங்கி வரும் இந்த தளம் உலகம் முழுதும் 283 மொழிகளில் உள்ளது. இத்தகைய விக்கிபீடியா தளத்தை அடிக்கடி பார்ப்பவர்களுக்காக ஆப்லைனில் இயங்கக்கூடிய பாக்கெட் விக்கிபீடியா என்ற சிறு மென்பொருள் வந்துள்ளது.

14 மில்லியன் கட்டுரைகள் மற்றும் 24,000 படங்களைக் கொண்டு சுமார் 175MB கொள்ளளவு உள்ள ZIP File-ஆக கிடைக்கிறது. கட்டுரைகளை விரைந்து தேடவும், எளிமையாக கையாளும் வகையில் இந்த சிறு மென்பொருள் உள்ளது. இது விண்டோஸ் மற்றும் லினக்ஸ் ஆப்பரேட்டிங் சிஸ்டத்திலும், விண்டோஸ் இயக்க மொபைல்களிலும் எளிதாக இயங்குகிறது.

Pocket Wikipedia தரவிறக்கம் செய்ய...

வலிய உதவி செய்து வம்பில் சிக்கிய பதிவர்!

2012-02-20T20:24:00.000+05:30

வீடு பதிவர் சுரேஷ் வீட்டில் ஒருநாள் காலை வேளையில்....

இன்னும் இந்த பேப்பர் போடறவன காணோமே, முக்கியமான விசியம் இருந்தா ஏதாவது பதிவு தேத்தி சில முக்கிய பதிவர்களுக்கு ரெடி பண்ணி தர வேண்டிய வேலை இருக்கே... இன்னும் காணோமே,,, இப்பவே நாலு பேர் பதிவு வேணும்னு சாட்ல புக் பண்ணிட்டாங்க... இவங்களுக்காக நாம நாலு பேப்பர் வாங்கி பதிவையும் தேத்தி படம் போட்டு கொடுக்குற வேலைக்கு இந்த பதிவருங்க "நன்றி வீடு" அப்படின்னு கீழே மட்டும் போடறாங்க. பய புள்ளைங்க ஒரு நூறு ரூவா கண்ணுல காட்டுதா.. ம்ஹும் ஒன்னும் இல்லை... கொஞ்ச பேரு மட்டும் காசு தர்றாங்க... காலையில அஞ்சு மணிக்கே எந்திரிச்சு வலையை தொறந்து வச்சா இன்னைக்கு கூட்டம் ரொம்ப கம்மியா இருக்கே..... எம்புட்டு விஷயம் தேடி வச்சிருக்கேன் நேத்து வந்த மாலைமலர் பேப்பர வச்சு..... ஹலோ பதிவர்களே இன்னும் எந்திரிக்கலையா... இதுக்குத்தான்யா சொல்றது நைட் ரொம்ப நேரம் கண்ணு முழிக்காதிங்க... காலையில லேட் ஆகுதுல. எனக்கு யாவாரமும் லேட் ஆகுதுல...

(ஒரு போன் வருது)

"சிபி நம்பர் போல தெரியுதே... இவரு ட்விட் ஜோக்ஸ் வேணும்னு கேப்பாரே.... அது எந்த பேப்பர்லயும் போட மாட்டாங்களே...."
"ஹலோ... ஹலோ.... வீடு சுரேஷ் பேசறேன்... யாரு பேசறா?"
"நான் சிபி பேசறேன், இன்னைக்கு ஒரு பதிவு போடணும்... ஏதாவது மேட்டர் இருக்கா?"
"என்னது மேட்டரா' அண்ணே, என்ன மேட்டர் வேணும்னு தெளிவா சொல்லுங்க..."
"லேட்டஸ்ட் அரசியல்ல சூடான செய்தி இருந்தா தாங்க..., ப்ளாக் அணல் பறக்கணும், அப்படி ஏதாச்சும் சூடான அரசியல் மேட்டர் இருக்கா?"
"அடடா... ப்ளாக் அணல் பறக்கிற மாதிரி வேணுமா? ஆங்... இருக்கண்ணே... ஆனா, அந்த செய்தி போட்டா உங்களுக்கு ஏதாவது பாலிடிக்ஸ் பிரஷ்ஷர் வந்தாலும் வரலாம்னே... நீங்க சமாளிச்சா அந்த அணல் பறக்கற செய்தியை மெயில் பண்றேன். அந்த செய்திக்கு ரஸ்க் சாரி ரிஸ்க் எடுத்திருக்கேன். கொஞ்சம் ஏதாச்சும் போட்டுக் கொடுங்கண்ணே..."
"நான் சமாளிச்சுக்கறேன் சுரேஷ், காலையில ஒன்பது மணிக்கு பதிவு போடணும், அதுக்குள அனுப்பிடுங்க. ஏதாச்சும், போட்டுத் தர சொன்னிங்கள்ல, ஒரு அஞ்சு பாக்கெட் ரஸ்க் கூரியர் பண்றேன்... ஓகே தானே..."
(போனை வைக்கிறார் சிபி)
"யோவ்... சிபி.... ஏதாச்சும் பணம் தருவாருன்னு பார்த்தா, ரஸ்க் பாக்கெட் தர்றேன்னு சொல்லிப்புட்டு போயிட்டாரே...."

" சரி, அடுத்து இந்த சம்பத் வேற அமெரிக்க குழந்தைகள் வளர்ப்பு பற்றி கேட்டிருந்தாரே, அங்க அவன் குழந்தைகளை எப்படி வளர்த்தா இவருக்கு என்ன? அதுக்காக இங்கிலீஸ் பேப்பரெல்லாம் படிக்க வேண்டியதா இருக்கு. என்ன பொழப்பு இது... ச்சே...ச்சே... ரெடி பண்ணிட்டோம் எப்படியோ சம்பத்க்கு. அவரு ஒரு பதிவுக்கு எப்படியும் நூறு ரூவா கொடுப்பாரு. அதனால கஷ்டப்படலாம்."

(அடுத்து ஒரு போன் வருது)

"ஹலோ... ஹலோ... நான் வீடு சுரேஷ் பேசறேன், யாருங்க அங்க"
ஹலோ, நான் சென்னையில இருந்து சிவா பேசறேன்..." எனக்கு ஒரு பதிவு வேணும்? கிடைக்குமா...?"
"சிவாவா? யாரு அது... உங்க ப்ளாக் பேரு என்ன?"
"நான்தான் மெட்ராஸ்பவன் ஓனர் சிவா"
என்னமோ ஒரு ஹோட்டலுக்கு ஓனர் மாதிரி சொல்றிங்க" சரி... என்ன மாதிரி செய்தி வேணும் சிவாவுக்கு?"
"புதுசா ரிலீஸ் ஆன மலையாள சினிமா பட விமர்சனம் வேணும்" இன்னைக்கே வேணும்."
"இப்படி அவசரமா கேட்டா கிடைக்காது. உங்கள மாதிரி நிறைய பேரு பதிவு கேட்டிருக்காங்க. வரிசை படி தான் தர முடியும்! என்ன சொல்றிங்க?"
"சரி ரொம்ப கிராக்கி பண்ணாதிங்க... நாளைகாச்சும் தருவிங்களா?"
"நாளைக்கு ஈவ்னிங் கிடைக்கும், பரவாயில்லையா"
"சரி... நாளைக்கு தாங்க..... நல்லா பிட்டு சேர்த்து எழுதிக் கொடுங்க"
"யோவ், என்ன பிட்டு, கிட்டுன்னு.... நான் எழுதி தர்றத வாங்கிக்கங்க,,,"
(சிவா போனை கட் செய்தார்)
"இதுக்கு தான் சினிமா பட விமர்சனமே எழுதக் கூடாது. பிட்டு, கில்மான்னு கேட்கறாங்க?"

(நாலஞ்சு மணி நேரம் கழிச்சு... சிபி-கிட்ட இருந்து போன்)

"யோவ்... சுரேஷ்... என்னய்யா பதிவு தந்த? நான் நெனச்சத விட ரொம்ப அணலா இருக்கு. பதிவு போட்ட பத்து நிமிசத்துல ஏகப்பட்ட போன் வந்திருச்சு. எல்லாமே ஆளுங்கட்சிக்காரங்க மிரட்டல் போன்... ஆளுங்கட்சிக்கு எதிரா எழுதி தந்திருக்கிங்க. நானும் படிக்காம போஸ்ட் போட்டுட்டேன்."
"சரி சிபி, இப்ப வேற எழுதித் தரவா?"
"யோவ், அதுக்கு இப்போ டைம் இல்லை" நான் எஸ்கேப் ஆகுறதுக்காக போன் பண்ணினவங்க கிட்ட உன் பேரை சொல்லிட்டேன்... உன்ன தேடி வந்துட்டு இருக்காங்க... எஸ்கேப் ஆகிக்க"
(போன் கட் ஆனது)

"அட, சிபி இப்படி வம்புல மாட்டி விட்டுடாரே... எனக்கு இது தேவையா? யாரோ, எப்படியோ போஸ்ட் தேத்தட்டும் இருக்காம. ஏதோ கொஞ்ச காசுக்கும், ஒரு விளம்பரத்துக்கும் சேவை செஞ்சது நமக்கே வம்பா போச்சே..."

(சுரேஷ் வீட்டு கதவு சிலரால் தட்டப்படுகிறது...)

டிஸ்கி: எதுக்காக சுரேஷை தேடி பதிவர்கள் போறாங்கன்னு கேட்கறிங்களா? அவரு ரெண்டு நாள் வரைக்கும் தாங்கக் கூடிய யூபிஎஸ் வச்சிருக்கார். கரண்ட் பிரச்சனை காரணமா பதிவு எழுத முடியமாட்டிங்குது. நானும் ஒரு மொக்கை பதிவு வேணும்னு அவர்கிட்ட கேட்டு, எழுதிக் கொடுத்த பதிவு தான் இது. ஆக, பதிவு வேண்டுவோர் சுரேஷ்க்கு மெயில் பண்ணுங்க.

எல்லா Audio or Video File Formatகளை இயக்க Top Five Video Players!

2012-02-16T13:44:00.001+05:30

ஆடியோ மற்றும் வீடியோ files நிறைய format களில் இன்று உள்ளன. இவைகளை play செய்வதற்காக நிறைய players உள்ளன. இவைகளை download செய்தும், அல்லது online இல் நேரடியாகவும் play செய்ய நிறைய softwares உள்ளன. Media players சில முக்கியமான audio / video file களை support செய்தாலும் MKV(Matroska video format) என்ற format ஐ support செய்வது இல்லை. MKV file ஐ MP 4 ஆக convert செய்தால் மட்டுமே use செய்ய முடியும். ஆனால் MKV file ஐ நேரடியாக open செய்ய சில media players உள்ளன. அவைகளில் top five Media Player களை பார்ப்போம்.

GOM Media Player

GOM Media Player AVI, MP4, MKV, FLV, 3GP, WMV என முக்கியமான முக்கியமான audio / video format களை support செய்யும். இதன் graphical interface எளிமையாக use செய்யும் வகையில் உள்ளது.

click here to download

DivX Plus Media Player

DivX®, AVI, MKV, MP4 or MOV formats போன்றவைகளை சப்போர்ட் செய்கிறது. மேலும் இந்த ப்ளேயருடன் இணைந்த DivX to Go என்ற வசதி மூலம் எல்லா வகையான DivX fileகளை சப்போர்ட் செய்கிறது. மேலும் MKV file formatக்கு தெளிவான வீடியோ மற்றும் துல்லியமான ஆடியோவையும் இந்த ப்ளேயர் தருகிறது. இந்த ப்ளேயரில் fast-forward மற்றும் rewind மிக எளிதாக இயக்கும் வகையில் உள்ளது.

click here to download

K-Lite Codec Media Player

K-Lite Codec Media Player மற்ற மீடியா பிளேயரை காட்டிலும் சிறந்ததாக உள்ளது. பலவகையான codec மற்றும் பல formatகளை support செய்யும் toolsகளை எளிதாக இயக்குகிறது. AVI, DivX, FLV, MKV, MP4, MP3, OGG போன்ற நிறைய formatகளை இந்த பிளேயர் இயக்குகிறது. இந்த ப்ளேயர் microsoft windowsஇல் மட்டுமே இயங்கக் கூடியது.

click here to download

Kantaris Media Player

இந்த ப்ளேயர் ஒரு open source media player ஆகும். இது RAR archive முறையில் உள்ள வீடியோ fileகளை extract செய்யாமலே இயக்கக் கூடியது. இதன் graphical interface எளிமையாக யூஸ் செய்யும் வகையில் உள்ளது.

click here to download

VLC Media Player

மிக பிரபலமான இந்த பிளேயரை அறியாதோர் யாரும் இருக்க வாய்ப்பு இல்லை. எல்லாவகையான ஆடியோ, வீடியோக்களை இந்த ப்ளேயர் எளிதாக இயக்குகிறது. AVI, MKV, FLV போன்ற எல்லா வீடியோ fileகளை எளிதாக இயக்குகிறது. 3gp foematகளையும் எளிதாக இயக்குகிறது. Live streaming TV option இந்த ப்ளேயரில் உள்ளது. மேலும் இந்த ப்ளேயர் formatகளை கன்வர்ட் செய்யவும் பயன்படுகிறது.

click here to download

காதல் பண்ணாதிங்க - காதலர் தின ஸ்பெஷல்!

2012-02-14T18:54:00.000+05:30

காதலர் தின ஸ்பெஷல்ன்னு போட்டுட்டு காதல் பண்ணாதிங்கன்னு வேற போட்டிருகேனேன்னு யோசிக்கறிங்களா? சரி.... சரி... யோசிக்றத விட்டுட்டு வாசிங்க... எம்மனசுல தோனுனத சொல்றேன்...

ஆணோ, பெண்ணோ தங்களுக்கு மனசுக்கு பிடிச்ச ஜோடியை செலக்ட் பண்றதுக்கு முன்னாடி கடைசி வரை இணைபிரியாம சந்தோசமான வாழ்க்கை நடத்தணும்னு முடிவு செய்றது ரொம்ப முக்கியம். அதுவும் முதல் காதலன், காதலியாக இருக்கணும். சும்மா சும்மா காதலனோ, காதலியோ அப்பப்ப மாத்துறது கூடவே கூடாது. சிலருக்கு அதே வேலையாவே வச்சு இருப்பாங்க. அது தப்புங்க.

இனக் கவர்ச்சிக்காகவோ, அல்லது வெறும் சவால்களுகாக, போட்டிக்காக காதல் செய்யக்கூடாது. ஏன்னா காதல் விளையாட்டு பொருள் இல்லை... வேணும்னா ஜெயிக்றதும், வேனாட்டி தோக்கிறதுக்கும்,.. காதல் நம்ம வாழ்க்கைப் பயணத்திற்கான முதல்படிங்கிறத ஞாபகம் வச்சுக்கணும்.

காதல் பண்ணுங்க... காதலிக்க ஆரம்பிச்சவுடன் ஒருத்தருக்கு ஒருத்தர் அவங்கள பத்தி முழுசா புரிஞ்சுக்றதுக்கான வாய்ப்பை நீங்களாவே உருவாக்குங்க. ஆகா, காதலனோ, காதலியோ கிடைச்ச சந்தோசத்தில ஒருத்தருக்கு ஒருத்தர் புரிஞ்சுக்காம விட்டுட்டிங்கன்னா அப்புறம் கல்யாணம், வாழ்க்கை என எல்லாமே பொம்மை நாடகமா போயிரும்.

அவங்கவங்க வீட்டுக்கு உங்க காதலை எவ்வளவு சீக்கிரம் சொல்ல முடியுமோ, சொல்லிருங்க. நம்மள பெத்து, வளர்த்து நம்மள ஒரு தகுதியான ஆளா மாத்துறது அவங்க தான். காதல்ன்னு வந்தவுடனே பெத்தவங்கள தூக்கி எரிஞ்சுறாதிங்க. உங்களோட காதலை, துணையை, அவங்க குடும்பத்தை உங்கள பெத்தவங்களுக்கு புரிய வையுங்க. அவங்க ஆசிர்வாதம் ரொம்ப அவசியம்.

காதலை கோழை ஆக்காதிங்க. காதலனோ, காதலியோ, காதல் கைக் கூடலைன்னா விபரீதமான முடிவுக்கு போகாதிங்க. தன்னை வருத்திக்கறது, பழி வாங்குறது, கேவலப்படுத்துவது என தப்பான முடிவுக்கு வந்துறாதிங்க. ஏன்னா, உங்க காதலை நீங்கதான் விரும்பி ஏற்படுத்திக்கிட்டிங்க. இதனால உங்களுக்கு மட்டும் துன்பம் வர்றது மட்டுமிலாம உங்கள பெத்தவங்களும் துன்பம் வரும். நீங்க தப்பான முடிவ எடுத்தா அவங்க நெலமை என்னாகும்னு யோசிங்க. எந்த சூழ்நிலையிலும் நம்மளால யாருக்கும் பிரச்சனை வரக் கூடாது.

கல்யாணம் செஞ்சுக்கனும்னு சூழ்நிலை வரும்போது யாருக்கும் பிரச்சனை இல்லாம பாத்துக்கங்க. இன்னைக்கு சூழ்நிலையில பெரும்பாலும் பொண்ணு வீட்டு பக்கம் தான் பிரச்சனை ஆரம்பமாகுது. பொண்ணு காதலிக்கறான்னு தெரிஞ்ச உடனே, அவளுக்கு மாப்பிள்ளையை தேட ஆரம்பிச்சுறாங்க. மொதல்ல அதச் செய்யாம பொண்ணு சொல்ற பையன விசாரிங்க, குடும்பத்தை விசாரிங்க. உங்க மகளுக்கு ஏத்த வகையில இருந்தா தாராளமா கல்யாணம் செஞ்சு வைக்கலாமே. இப்போதைக்கு உள்ள காலத்துல சொந்தத்துல பொண்ணோ, பையனோ அமையறது புளியங் கொம்பாத்தான் இருக்கு. புரோகர வச்சு அந்நியதுல முடிவு பண்றதுக்கு பொண்ணோ, பையனோ விரும்பியவங்கள சேர்த்து வைக்றதுல தப்பே இல்லைங்க.

பெத்தவங்க கல்யாணத்துக்கு எதிர்ப்பு காட்டியும், அவங்கள எதிர்த்துட்டு கல்யாணம் செஞ்சா, மறுபடியும் அவங்க கால்ல விழுந்திருங்க. தப்பே இல்லை. அவங்க உங்கள ஏத்துக்கற மாதிரி, உங்கள நம்பும்படியாக வாழ்ந்து காட்டுங்க.

சரிங்க, முடிவா சொல்றேன், காதல் பண்ணுங்க. சக்சஸ் ஆகுற மாதிரி காதல் பண்ணுங்க, பிரச்சனைன்னு வந்தா சமாளிங்க, கோழையான முடிவுக்கு போகாதிங்க. காதலை டைம் பாஸ் பண்ற பொருளா மாத்திறாதிங்க.

டைம் பாஸ்ன்னு நெனச்சா ஒரு நிமிஷம் கூட காதல் பண்ணாதிங்க.

ஏனப்பா, நான் சொல்றது சரிதானே....

நமது தமிழ்வாசிக்கு THE VERSATILE BLOGGER விருது! நன்றி மகிழம்பூச்சரம்

2012-02-13T18:38:00.000+05:30

நண்பர்களே,

நமது தமிழ்வாசி தளத்திற்கு மகிழம்பூச்சரம் சாகம்பரி அம்மா அவர்களால் THE VERSATILE BLOGGER AWARD கொடுக்கப்பட்டுள்ளது. அவர் விருது தந்தமைக்கான காரணங்களாக அவரது பதிவில் கீழ்க்கண்டவாறு குறிப்பிட்டுள்ளார்.

தொழில் நுட்பக்கட்டுரைகள், கவிதைகள், சிறுகதைகள், பிரச்சினைகளுக்குத் தீர்வுகள், சிறந்த பதிவாளர்கள் பேட்டிகள் என பல தரப்பட்ட இலக்கிய ரசனையுடன் வலம்வரும் தமிழ்வாசி வலைப்பூவிற்கு சொந்தக்காரரான திரு.பிரகாஷ்.

இவ்விருதை நான் மகிழ்வுடன் பெற்றுக் கொண்டு எனக்கு விருப்பமான ஐந்து பதிவர்களுக்கு இந்த விருதை அளிக்க உள்ளேன். இவ்விருதின் முக்கிய நோக்கமே பதிவுலகில் நிறைய விசயங்களில் திறமையாக எழுதி வரும் வலைப்பதிவுகளை ஊக்குவிப்பதே ஆகும்.

இந்த VERSATILE BLOGGER விருது ”Nitya's Knits Quoin" என்ற வலைப்பதிவில் எழுதி வரும் திருமதி நித்யகல்யாணி http://nityakalyani-kalmat.blogspot.in என்ற மற்றொரு ஆங்கிலப்பதிவர் அவர்களால் திருமதி உஷா ஸ்ரீகுமார் அவர்களுக்கு வழங்கப்பட்டு, அவரால் திரு. வை.கோபாலகிருஷ்ணனுக்கு வழங்கப்பட்டு உள்ளது. அவரால் மகிழம்பூச்சரம் சாகம்பரி அம்மாவுக்கு வழங்கப்பட்டுள்ளது. அவர் நமது தமிழ்வாசி தளத்திற்கு வழங்கியுள்ளார். மிக்க நன்றி அம்மா. இந்த விருதை பெற்றமையால் எனக்கு பிடித்த ஏழு விஷயங்களை குறிப்பிட வேண்டும் என்றும், மேலும் திறமையான ஐந்து பதிவர்களுக்கு இந்த விருதை வழங்க வேண்டும் என்பது விருதை ஏற்றுக் கொண்டதற்கான அடையாளம் ஆகும். எனவே இந்த விருதை பெறப் போகும் நண்பர்கள், உங்களுக்கு பிடித்த வலைப்பூவுக்கு விருதை அளிக்கவும்.

எனக்கு பிடித்த விஷயங்கள்:
இணையதளம், விடுமுறை தினங்கள், இசை கேட்டல், பயணம், மழை சாரல், சுற்றுலா இடங்கள், புத்தகம் வாசித்தல்.

விருதுக்காக நான் தேர்வு செய்த பதிவர்கள்:
1. வலைப்பூ சந்தேகங்கள், நுட்பங்கள், கணினி, இணைய நுட்பங்களில் கலக்கும் வந்தேமாதரம் "சசி" அவர்கள்,

2. இலக்கிய அமுது ஊட்டும் "வேர்களைத்தேடி முனைவர் குணசீலன்" அவர்கள்,

3. குழந்தைகள் மற்றும் பெற்றோர்களுக்கு இடையேயான உறவை பறைசாற்றும் "தமிழ் பேரன்ட்ஸ் சம்பத்குமார்" அவர்கள்,

4. தனது அனுபவங்கள், சுவாரஸ்யமான விஷயங்களை தொகுக்கும் "காணாமல் போன கனவுகள் ராஜி" அக்கா,

5. தற்சமயம் பதிவுலகில் இருந்து சற்று ஒதுங்கியிருந்தாலும் வாசகர்களை தன் வசீகர எழுத்தால் கவர்ந்த செங்கோவி அவர்கள்,

இவர்களுக்கு VERSATILE BLOGGER விருது வழங்குவதில் மகிழ்ச்சியடைகிறேன். இந்த விருதை தங்கள் தளத்தில் நிறுவ அன்புடன் விழைகிறேன். அதோடு மட்டுமல்லாமல் உங்களுக்கு பிடித்த சிறந்த வலைப்பதிவர்களுக்கு வழங்கி கௌரவியுங்கள். நன்றி,

ஆனந்த விகடன் - என் விகடனில் நமது தமிழ்வாசி தளம் பகிர்வு!

2012-02-10T08:08:00.002+05:30

முன்னணி வார இதழான ஆனந்த விகடன் - என் விகடனில் இந்த வார (15-02-2012) வலையோசை பக்கத்தில் நமது தமிழ்வாசி தளத்தை குறிப்பிட்டு பகிர்ந்து இருக்கிறார்கள். மிகவும் நெகிழ்ச்சியான, மகிழ்ச்சியான தருணமாக உணர்கிறேன். விகடன் எனக்கு விவரம் தெரிந்த நாள் முதல் வாசித்து வருகிறேன். 2000 - 2002 இல் கல்லூரி நாட்களில் பாட புத்தகங்களுக்கு நடுவில் விகடனும் இருக்கும். விகடனை வாங்கிக் கொண்டு தான் கல்லூரி பேருந்தில் ஏறுவேன். வகுப்பறையில் ஆசிரியர் பாடம் நடத்த ஆரம்பிப்பார். நான் விகடனை வாசிக்க ஆரம்பிப்பேன். முதலில் சினிமா விமர்சனத்தையும், ஒரு பக்க கதைகளையும் தேடிப்பார்த்து படிப்பேன். இப்படியே மதிய இடைவேளை வரும் வரையில் எப்படியும் இருமுறையாவது புரட்டி விடுவேன்.

அப்போதைய விகடனில் வந்த "மனசே ரிலாக்ஸ் பிளீஸ்" மிகவும் பிடித்த தொடர். கூட இருக்கும் நன்பர்களுக்கு விகடனை பிடிக்காது. காரணம் அதில் கவர்ச்சி படங்கள், சினிமா செய்திகள் என அதிகமாக இல்லையாம். அப்போது, விகடனின் அருமை உங்களுக்கு தெரியாது, என சொல்வேன். ஆனந்த விகடன் புத்தகத்தில் அவ்வளவு ஆர்வம். உலகம் முழுதும் பெரும்பான்மையான வாசகர்களை கொண்ட பெருமை வாய்ந்த விகடனில் நமது தமிழ்வாசி தளம் குறிப்பிடப்பட்டுள்ளது எனக்கும், என் தள வாசகர்களுக்கும் கிடைத்த அங்கீகாரமாக நினைக்கிறேன்.

தட்டுத்தடுமாறி எழுத ஆரம்பித்து இன்று, மெக்கானிகல் மாணவர்களுக்கு பயன்படும் ஒரு தொடர் (கண்டிப்பாக தொடரை எழுதி முடிப்பேன் என்ற நம்பிக்கையில்), அறிந்த பிளாக் நுட்பங்கள், பிளாக்கில் எனக்கு ஏற்பட்ட பிரச்சனைகள், கூகிள் தேடலின் போது எனக்கு பயன்படும் வகையில் இருந்த சில தொழில்நுட்ப தளங்களையும் பதிவேற்றி வருகிறேன். என் அனுபவங்கள், அறிந்த விழிப்புணர்வு செய்திகளையும் அவ்வப்போது பதிவேற்றி வருகிறேன். இவ்வாறான அங்கீகாரம் இன்னும் என்னை கூர்மைப்படுத்தி கொள்ள உதவும் என்பதில் மாற்றமில்லை.

500க்கும் அதிகமான தொடரும் நண்பர்கள், 400க்கும் அதிகமான இடுகைகள், 8500க்கும் அதிகமான கருத்துரைகள், நான்கு லட்சத்து நாற்பதாயிரத்திற்கும் மேலான பக்க பார்வைகள் என தமிழ்வாசியின் அனைத்தும் எனது வாசகர்களையும், நண்பர்களையும், எனது குடும்பத்தினரையுமே சேரும் என்பதை இத்தருணத்தில் குறிப்பிடுவதில் மகிழ்ச்சி அடைகிறேன்.
ஆனந்த விகடனின் அங்கீகாரத்தை பாராட்டி மின்னஞ்சல், அலைபேசி, முகநூல் வழியே வாழ்த்து தெரிவித்த அனைத்து நண்பர்களுக்கும் எனது நெஞ்சார்ந்த நன்றியை தெரிவித்துக் கொள்கிறேன். வாழ்த்து பதிவாக அவரது தளத்தில் பகிர்ந்த "வீடு" சுரேஷ்க்கு ஸ்பெஷல் தாங்க்ஸ்.
பகிர்ந்த விகடன் குழுவிற்கும், பரிந்துரைத்த நண்பர்களுக்கும் நன்றி.....

"மகிழம்பூச்சரம்" சாகம்பரி அம்மா அவர்கள் THE VERSATILE BLOGGER விருது தமிழ்வாசிக்கு தந்திருக்கிறார்கள். அவர்களுக்கும் எனது மனமார்ந்த நன்றியை தெரிவித்துக் கொள்கிறேன். இது சம்பந்தமான பதிவு விரைவில்....

இந்த வாரத்தில் அதிகமாக டவுன்லோட் செய்யப்பட்ட மென்பொருட்கள்!

2012-02-10T00:18:00.000+05:30

இந்த வாரத்தில் அதிகம் டவுன்லோட் செய்யப்பட்ட மென்பொருட்கள் இங்கே(Download3k) வரிசைப்படுத்தப்பட்டு உள்ளது. உங்களுக்கு தேவையான மென்பொருட்களை இலவசமாக டவுன்லோட் செய்து கொள்ளுங்கள். Download3k தளத்தில் நிறைய பயனுள்ள மென்பொருட்கள் இலவச தரவிறக்கமாக கிடைக்கின்றன.

OS மாற்றும் போது முக்கியமான Softwares Backup எடுத்து வைக்கவில்லையா? Ninite Easy PC Setup இருக்கு!

2012-02-09T00:19:00.000+05:30

நல்ல முறையில் வேலை செய்து கொண்டிருந்த நம்ம கம்ப்யூட்டர், நம் அறிவை கூர்மையாகிக் கொள்ள நோண்டிக் கொண்டிருக்கும் போதோ, அல்லது வைரஸ் பாதிப்பினாலோ, வேறு ஏதோ காரணத்தினாலோ operating system corrupt ஆனால் நாம் பதிந்து வைத்துள்ள பல மென்பொருட்களும், corrupt ஆகும்..

பின்னர் புதுசா os install செய்த பின் நமக்கு தேவையான மென்பொருட்களை இன்டர்நெட்டில் தேடிப்பிடித்து டவுன்லோட் செய்து இன்ஸ்டால் செய்ய வேண்டும், இல்லையேல் நாம் முன்னெச்சரிக்கையாக backup எடுத்து வைத்திருந்தால் கவலையில்லாமல் இன்ஸ்டால் செய்து கொள்ளலாம்.

Backup எடுத்து வைக்காமல் இருந்தும், ஒவ்வொரு வெப்சைட் தேடிப் பிடித்து டவுன்லோட் செய்வதற்குள் போதும் போதும்ன்னு ஆயிரும்.

நமக்கு தேவையான, முக்கியமான சாப்ட்வேர் அனைத்தும் ஒரே இடத்தில இருந்தால் எவ்வளவு நல்ல இருக்கும்.

அப்படி ஒரு வெப்சைட் ஒன்று உள்ளது. அதுவே Ninite Easy PC Setup...

இதில் எல்லா மென்பொருட்களும் அப்டேட் செய்யப்பட்ட தொகுப்பாக உள்ளது...

இந்த வெப்சைட் - இல் நமக்கு தேவையானவற்றை கிளிக் செய்து Get installer கொடுத்தால் போதும். தேவையான எல்லா சாப்ட்வேர் நம்ம computer - இல் இன்ஸ்டால் ஆகும்..

Ninite Easy PC Setup... தேவைக்கு இங்கு கிளிக்கவும்...

repost

கொழு கொழு குழந்தையா? பெற்றோர்கள் கவனத்திற்கு!

2012-02-07T00:22:00.000+05:30

குழந்தைகள் பெற்றுக் கொள்ளும் போது ஏற்படும் மகிழ்ச்சிக்கு அளவே கிடையாது. தாயாவது ஒரு பெண்ணின் குறிக்கோள். அதை அடைய எத்தனையோ மருத்துவ சிகிச்சைகளை மேற்கொள்ள வேண்டியிருந்தாலும் சந்தோசமாக, ஒரு தவமாக அதையெல்லாம் ஏற்றுக் கொள்ளும் கணவனும், மனைவியும் குழந்தைகளை எப்படி வளர்ப்பது என்பதில் சரியான முறைகளை கையாள்கிறார்களா? என்றால் பெரும்பாலும் இல்லை என்பதே பதிலாக கிடைக்கும்.

நம் தாய்மார்களுக்கு குழந்தை கொழு கொழு என இருப்பது தான் ஆரோக்கியம் என நினைத்துக் கொண்டிருக்கிறார்கள். பிறந்த முதல் ஆண்டிலேயே குண்டாக வளரும் குழந்தை பெரியவனாகும் போதும் குண்டாக இருப்பதற்கு 80 சதவீதம் வாய்ப்புகள் இருகின்றன. குழந்தைகள் அதிக எடையோடு வளரும் போது அவர்களுக்கு என்னென்ன பாதிப்புகள் உடல் ரீதியாகவும் மன ரீதியாகவும் ஏற்படுகின்றன என்பதைப்பற்றி பெற்றோர்கள் தெரிந்து கொள்வது மிக முக்கியம்.

உடல் எடை அதிகமாவதால் அதிக சோர்வு ஓடி விளையாட சோம்பல், எந்த நேரமும் டி.வி பார்ப்பது அல்லது வீடியோ கேம்ஸ் விளையாடுவது, படிப்பில் அக்கறையின்மை. இவை எல்லாவற்றையும் விட கால் எலும்புகள் வளைந்து போதல் ஆகியவை ஏற்படுகின்றன. ஆனால் இதெல்லாம் விட பெரிய ஆபத்து அவர்களுக்கு சிறுவயதிலேயே 5 வயது முதல் வரும் அதிக ரத்த அழுத்தம். அது போக சர்க்கரை வியாதி (டைப் இரண்டு), பெரியவர்களுக்கு மட்டுமே இந்த இரத்த அழுத்தமும் சர்க்கரை வியாதியும் வரும் என்று நீங்கள் நினைத்துக் கொண்டிருந்தாள் அது முழுக்க முழுக்க தவறு.

குண்டான குழந்தைகளைக் குறி வைத்து தாக்கும் இந்த உயர் இரத்த அழுத்தம் குழந்தைகளுக்கு வந்திருப்பது கூட பெற்றோர்களுக்கு தெரியாது. நவீன சிகிச்சை முறையில் இந்த இரத்த அழுத்த நோயை இப்பொழுது குணப்படுத்தி விடலாம் என்பது ஒரு மகிழ்ச்சியான செய்தி. ஆனால் உடல் பருமனாக இருக்கும் குழந்தைகளை உடனே மருத்துவரிடம் காட்டி இரத்த அழுத்த நோயும், சர்க்கரை நோயும் இருக்கிறதா? என சோதனை செய்து பார்த்த பின்னர் உடனே சிகிச்சையை தொடங்க வேண்டும் என்பது மிக முக்கியம்.

சரியான எடையுடன் ஆரோக்கியமாகக் குழந்தைகளை வளர்க்க certified children fitness மருத்துவர்களை அணுகி அவர்களின் ஆலோசனைகளை பெற்றுக் கொள்ளலாம். உணவு முறைகளையும் உடல் பயிற்சிகளையும் தெரிந்து கொண்டு அவற்றில் குழந்தைகளை ஈடுபடுத்தி சரியான ஆரோக்கியமான மனிதனாக வளர்க்க வேண்டியது பெற்றோர்களின் கடமை.

கவனிக்கப்படாத உயர் இரத்த அழுத்த நோய் குழந்தை இருதய நோயாளியாகவும், சிறுநீரக நோயாளிகளாகவும் மாறிவிடும் வாய்ப்பு அதிகம். வரும் முன் காப்பது சிறந்தது. வந்த பின் வருந்துவது வீண். அதை விரைவில் குணப்படுத்த முயற்சிப்பதே புத்திசாலித்தனம்.

images: google search

-Obesity Doctor-

அஞ்சலி தினம்

தோழர் திரு. ராஜேஷ் (மாயஉலகம் வலைப்பூ) அவர்களின் மறைவை ஒட்டி அவருக்கு அஞ்சலி செலுத்தும் வகையில் நாளை சகபதிவர்கள் அனைவரும் பதிவிடாமல், அவரது குடும்பத்தினருக்கு நம் இரங்கலைத் தெரிவித்து ஓரிரு நிமிடங்கள் மவுன அஞ்சலி செலுத்துவோம். அன்னாரது ஆத்மா சாந்தியடைய எல்லாம்வல்ல இறைவனை பிரார்த்திப்போம்.

உடம்புக்கு பீர், சாக்லேட் ஓகே, சுகர் நாட் ஓகே - ஆராய்ச்சி துணுக்குகள்

2012-02-05T00:23:00.000+05:30

இன்று பேப்பரில் வாசித்த சில ஆராய்ச்சி துணுக்குகள்:

நம்ம பூமியில் இருந்து 33 ஒளி ஆண்டுகள் தூரத்தில் ஒரு புதிய கிரகம் இருப்பதாக கண்ண்டறியப்பட்டுள்ளது. இந்த கிரகத்தில் நமது பூமியின் வெப்பத்தை விட குறைவாக இருப்பதாகவும், உயிரினங்கள் வாழ ஏற்ற சில சூழ்நிலைகள் இருப்பதாகவும் கண்டறியப்பட்டுள்ளன. இந்த புதிய கிரகத்திற்கு GJ 667 C என பெயரிடப்பட்டுள்ளது.

பீர் மற்றும் ஒயின் குடிப்பவர்களை வைத்து ஒரு ஆராய்ச்சி அமெரிக்காவில் நடைபெற்றுள்ளது. மிதமான பீர் சாப்பிடுபவர்களில் சுமார் 31 சதவீதம் நபர்களுக்கு இருதய நோய் இல்லாமல் இருப்பது கண்டுபிடிக்கப்பட்டுள்ளது. இதற்கு காரணம் ரத்தக் குழாய்களில் அடைப்பு ஏற்படாமல் இருக்கிறது. பீரில் அதிக தண்ணீரும், குறைந்த அளவு ஆல்கஹாலும் இருப்பதால் குறைந்த அளவு ஆல்கஹால் மட்டுமே உடலில் சேர்க்கிறது. இதனால் இருதய நோய் தாக்கம் அவர்களுக்கு இருப்பது இல்லை.

உடல் எடையை குறைக்கவும், ரத்த அழுத்தத்தை குறைக்கவும் பால் கலக்காத டீ சாப்பிட வேண்டும். ஏனெனில் உடல் எடையை குறைக்கும் பல மூலப்பொருட்கள் டீயில் உள்ளன. ஆனால் நாம் கலக்கும் பாலில் உடல் எடையை அதிகரிக்கும் கொழுப்புச் சத்துக்கள் இருப்பதால் உடல் எடை அதிகரிக்கிறது. எனவே பால் இல்லாத டீ குடிப்பது நல்லது. மேலும் பால் கலக்காத டீ தினமும் மூன்று வேளைகள் அருந்தி வந்தால் ரத்த அழுத்தம் குறைவதாக ஆஸ்திரேலியா ஆராய்ச்சியாளர்கள் கண்டறிந்துள்ளார்கள்.

வயிற்றுப்புண் மற்றும் நெஞ்சு எரிச்சலுக்கு பி.பி.ஐ என்ற மருந்து பயன்படுத்தப்பட்டு வருகிறது. இந்த மருந்தால் கடும் பக்க விளைவுகள் ஏற்படுவதாக ஆராய்ச்சியில் கண்டுபிடித்துள்ளார்கள். இம் மருந்து உட்கொள்பவர்களுக்கு எலும்பு மெல்ல மெல்ல பலவீனம் அடைவதாகவும், 45 வயதுக்கு மேற்ப்பட்டவர்களுக்கு எலும்பு பாதிப்பு அதிகம் ஏற்படுவதாகவும், பெண்களுக்கு இடுப்பு எலும்பை சேதப்படுத்துவதாகவும், எலும்பு முறிவு ஏற்படவும் வாய்ப்பு இருப்பதாக கண்டறியப்பட்டுள்ளது.

சர்க்கரை விஷத்தன்மை வாய்ந்ததாக அமெரிக்க ஆராய்ச்சியாளர்கள் கண்டறிந்துள்ளார்கள். சர்க்கரையை அதிகம் சாப்பிட்டால் உடல் பருமன், இதய நோய், புற்று நோய், கல்லீரல் நோய் ஏற்படுவதாக கண்டுபிடித்துள்ளார்கள். எனவே, ஆல்கஹால், புகையிலைக்கு கட்டுப்பாடு விதித்திருப்பது போல சர்க்கரை விற்பனைக்கும் கட்டுப்பாடுகள் கொண்டு வர வேண்டும் என இந்த ஆராய்ச்சி வல்லுனர்கள் வலியுறுத்தியுள்ளார்கள்.

அதிக அளவு சாக்லேட் சாப்பிடுபவர்களுக்கு குடல் புற்று நோயின் தாக்குதல் குறைவாக இருக்கும் என ஸ்பெயின் ஆராய்ச்சியாளர்கள் கண்டுபிடித்துள்ளார்கள். சாக்லேட்டில் கோகோ கலக்கப்படுகிறது, அதில் ஆன்டி அக்சிடேன்ஸ் என்ற உயிர் எதிர்ப்பு சக்தி உள்ளது, இதனால் புற்று நோய் தாக்கும் மூலக்கூறுகளை அழிக்கும் வல்லமை அந்த எதிர்ப்பு சக்திக்கு இருப்பதாக கண்டுபிடித்துள்ளார்கள்.

சமையல்காரர் - சிறுகதை

2012-02-04T00:17:00.000+05:30

"ஹலோ... ஹலோ.... அப்பாதுரை சமையல்காரர் இருக்காரா? நான் கேசவன் பேசறேன்....."

"சார் சொல்லுங்க நான் அப்பாதுரை தான் பேசறேன்... எப்படி சார் இருக்கீங்க, தம்பிக்கு கல்யாண ஏற்பாடு ஆயிருச்சுங்களா?....."

"ஆமா துரை... கல்யாணம் ஏற்பாடாயி தேதியும் குறிச்சாச்சு... சமையலுக்கு உன் தேதி தான் வேணும்....."

"சார் எந்த தேதின்னு சொல்லுங்க... நம்ம புள்ளைக்கு நான் செய்யாம வேற யார் செய்வா? வர்ற ஞாயிறு பிரீ தானே, வீட்டுக்கே வர்றேன். பேசிக்கலாம்....."

"சரி துரை, ஞாயிறு சாயிந்திரமா வந்திரு... தம்பியும் இருப்பான். சமையல் வகைகளை பேசிறலாம்....."

(கேசவன் வீட்டில்)
"வா அப்பாதுரை, உட்காரு... வீட்டுல தங்கச்சி சவுக்கியமா? கடைசி மகளுக்கு கல்யாணம் கூடி வருதா?......"

"இல்லைங்க சார், மொத ரெண்டு மகள்களையும் கஷ்டப்பட்டு கரை ஏத்திட்டேன். கடைசி மவ ஆசைப்பட்டான்னு பீஎட் வரை படிக்க வச்சேன். அதனால மாப்பிள்ளையும் அதுக்கேத்த மாதிரி பாக்கனும்ல. வர்ற வரங்களும் பவுன் அதிகமா எதிர்பாக்கறாங்க. என்ன செய்ய?....."

"சரி துரை, கவலைப்படாத.... சீக்கிரம் ஒரு வரன் அமையும்... அந்த ஆண்டவன் இருக்கான்... நம்பிக்கையை விட்டுடாதே....."

"ஆமாங்க சார் அந்த நம்பிக்கையில தான் இருக்கேன். நான் வேலை பாக்குற ஆபீசிலும் மொத ரெண்டு பொண்ணுங்களுக்காக லோன் மேல லோன் போட்டுட்டேன். அதனால கொஞ்சம் பணக்கஷ்டம் இருக்கு. இவளும் ஒரு ஸ்கூலுக்கு வேலைக்கு போயிட்டு தான் இருக்கா... என்ன சம்பளம் தான் கம்மியா இருக்கு. சரிங்க சார் என் கதையை பேசிட்டு இருக்கோம். நம்ம தம்பி கல்யாண விஷயத்துக்கு வருவோம். சொல்லுங்க சார் என்னென்ன செய்யணும்?......"

"முதல் நாள் நிச்சயதார்த்தம், அதுல இருந்து கல்யாணம் காலை டிபன் முதல் மதியம் சாப்பாடு வரை என்னென்ன செய்யணும்னு இதுல லிஸ்ட் இருக்கு துரை, இதுக்கு மொத்த காண்ட்ராக்ட் எடுத்துக்க. எவளவு செலவு ஆகும்னு கணக்கு போட்டு சொல்லு, அட்வான்ஸா இந்த பணத்தை இப்போ வச்சுக்க......"

(கல்யாணத்துக்கு மொத்தம் எத்தன நபர்கள் வருவார்கள் என கேட்டு அதற்கான சமையல் சாமான்களையும் குறிப்பெடுத்துக் கொண்டு இறுதி சமையல் காண்ட்ராக்ட் கூலியை சொன்னார் துரை)

"ரொம்ப சந்தோஷம் துரை, ஓரளவு ரீசனபில்லா அமௌன்ட் வந்திருக்கு. அதுக்கு தான் நீ வேணும்னு சொல்றது. நம்ம வீட்டுக்கு நீ எத்தன விஷேசங்களுக்கு சமையல் செஞ்சிருக்க, எல்லோரும் வாயார புகழ்ந்து தான் பேசுவாங்க. எல்லாமே துரை உன்னைய தான் சேரும்......"

"சார் ரொம்ப புகழாதிங்க, நீங்க, நான் கேட்ட சாமான்களை சரியா வாங்கித் தர்றிங்க. என்னையும் உங்க குடும்பத்துல ஒருத்தனா மதிச்சு நடத்தறிங்க. உங்களுக்கு என்னால முடிஞ்சா அளவு செஞ்சு தர்றேன் அவ்வளோதான்......"

(கல்யாணம் சீரும் சிறப்பாக அறுசுவையோடு முடிந்தது. கேசவன் பெருமகிழ்ச்சி அடைந்து துரை கேட்ட தொகையை விட அதிகமாகவே கொடுத்தார்)

(அப்பாதுரை வீட்டில் இரவு...)
"ஊரார் கல்யாணமெல்லாம் சீரும் சிறப்புமா நடக்குது. இந்த மனுசனும் நல்லா ஆக்கிப் போட்டுட்டு வருது. எம் பிள்ளைக்கு ஒரு கல்யாணம் கூட மாட்டிங்குதே. அப்பவே சொன்னேன், அடியே படிச்சு கிழிச்சது போதும், வரன் அமையறது கஷ்டமாயிரும்ன்னு. கேட்டியாடி....."

"அடியே, கண்ணம்மா, ஏண்டி இப்ப இப்படி அவகிட்ட கத்திட்டு இருக்க, சொல்றத என் மூஞ்சிக்கு முன்னாடி சொல்லத்தொலை...."

"ஆமாய்யா... என் ஆத்திரம் எனக்கு, புள்ளைக்கு வர்றவனையேல்லாம் அம்புட்டு நகை வேணும், இவ்வளவு சீர் வேணும்னு வரிசையா பெரிய லிஸ்ட் சொல்றாணுக. நீ வேலை பாக்குற ஆபீசு கவர்மென்ட்னாலும் அந்த கேண்டீன் சமையல் வேலைக்கு உன் சம்பளம் அந்த காலத்துல இருந்து என்னமோ கம்மியா தான் இருக்கு. அதுல மொத ரெண்டை கரையேத்த வாங்கின லோனு போக தெனம் பொழப்பு ஓட்ட மட்டுமே காசு மிஞ்சுது. இவளும் ஸ்கூலுல வேல பார்த்துட்டு கொண்டு வர்ற காச தான் சேத்து வச்சிட்டு வர்றேன். இப்ப விக்கிற விலைவாசிக்கு இன்னும் நாம நெறைய சேக்கணும் இவ கல்யாணத்துக்கு...."

சரிடி, இந்தா பிடி, கேசவன் ஐயா வீட்டு கல்யாணத்துக்கு சமையல் பணம்... வீட்டு செலவுக்கும், மிச்சத்த சேர்த்தும் வச்சுக்க"

(இரவு அப்பாத்துரைக்கு தூக்கம் வரவே இல்லை. பொண்டாட்டி பேசிய பேச்சு திரும்ப திரும்ப அவர் காதில் ஒலித்தது. கவர்மென்ட் வேலையா இருந்தாலும் வரவு கம்மியா இருக்கே எனவும் யோசித்தார். அப்படியே தூங்கிப் போனார்)

அடுத்த நாள் வழக்கம் போல வேலைக்கு கிளம்பி சென்றார் அப்பாதுரை. அவர் அந்த ஆபிஸ் கேண்டீனில் சமைக்க ஆரம்பித்தார். சிறிது நேரத்தில் அந்த சமையலறையில் கேஸ் வெடித்து சிதறியது, அப்பாதுரையும் தீயில் கருகினார். அங்கே இருந்தவர்கள் தீயணைப்பு வண்டிக்கு சொல்லிவிட்டு அப்பாத்துரையை ஒரு வழியாய் மீட்டு அரசு ஆஸ்பத்திரியில் சேர்த்தார்கள். அவர் குடும்பம் மொத்தமும் ஆஸ்பத்திரிக்கு வந்தது. ஒவ்வொருத்தரும் அவ்வொரு பக்கமாய் அழுத்த வண்ணம் இருந்தார்கள்.

விஷயம் கேள்விப்பட்டு கேசவன் ஓடி வந்தார். அப்பாதுரை குடும்பத்தாரிடம் பேசி விட்டு அப்பாத்துரை கிடத்தியிருந்த படுக்கைக்கு வந்தார். அப்பாத்துரைக்கு தீக்காயம் முழுதும் இருந்ததால் அவரால் யாரையும் சரியாக அடையாளம் காண முடியவில்லை. இருந்தும் தட்டுத்தடுமாறி கேசவனிடம் பேச முயற்சி செய்தார். கேசவனும் காதை அருகில் கொண்டு சென்றார்.

"ஐயா, எம் புள்ளைகள பாத்துக்கங்க. நான் செத்தா கவர்மேன்ட்டுல இருந்து இன்சூரன்ஸ் பணம், அந்த பணம், இந்தப்பணம் என எப்படியும் ரெண்டு மூணு லட்சம் வரும். அதை எப்படியாவது சீக்கிரம் வாங்கி எம்மக கல்யாணத்த நடத்தீருங்க. என்ன மன்னிச்சுக்கங்க ஐயா, சமைக்கும் போது கேஸ் லைனை பிடுங்கி விட்டுட்டேன் ஐயா"... சொல்லிக் கொண்டே அவர் குரல் விம்மி கண் மூடியது.

-முற்றும்-

(மேற்கண்ட கதையின் கரு உண்மை நிகழ்ச்சியை அடிப்படையாக கொண்டது. கதாபாத்திரங்களும், சம்பவங்களும் சற்றே கற்பனை கலந்தது.)

இதுக்கு போயி ஏன் தலைவா சிரிச்ச?!

2012-02-02T19:26:00.000+05:30

மணி: டேய் ரமணி, ஏண்டா ரெண்டு நாளா ஸ்கூலுக்கு எட்டரை மணிக்கு வராம ஒம்பது மணிக்கு வர்ற. என்ன மாப்ளே விசேஷம்....
ரமணி: அதுவாடா, அந்த லேடிஸ் காலேஜ் ஒம்பது மணிக்குத்தான தொறக்குறாங்க. அங்க தான என் புது சைட்டு படிக்கிறா...

அரசியல்வாதி: வாக்காள பெருமக்களே! என்னை வெற்றி பெறச் செய்யுங்க. மின்சார துண்டிப்பு இல்லாம நீங்க நிம்மதியா தூங்க நான் நடவடிக்கை எடுக்கறேன்..
அரசியல்வாதி மனைவி: யோவ், மொதல்ல தூக்கத்துல நீ ஒளறுரத நிறுத்துயா. நான் நிம்மதியா தூங்கணும்!

மனைவி: என்னங்க... என்னங்க... டைம் ஆச்சு... சீக்கிரம் எந்திரிங்க... வேலைக்கு போகணும்ல, லேட்டாக போகுது...
கணவன்: (மனசுக்குள்) ச்சே..ச்சே... தெனமும் இவ மூஞ்சியில முழிச்சு செய்ற வேலையே வெளங்க மாட்டிங்குது. எங்கஷ்டம் இவளுக்கு எங்க புரியப்போகுது?

தொழிலாளி: சார் ரெண்டு நாள் லீவு வேணும், மனசு சரியில்ல...
மேனேஜர்: ரெண்டு நாள் லீவெல்லாம் தர முடியாது.
தொழிலாளி: சார் லீவு தந்திருங்க. இல்லையினா உங்க உடம்புக்கு கேரண்டி சொல்ல முடியாது?
மேனேஜர்: அட, ரெண்டு நாள் இல்ல, ஒரு வாரமா லீவ் தரேன்னு சொல்ல வந்தேன்ப்பா....

காதலி: டேய் ரமேஷ், இந்த கடல் அலையைப் பாரேன். என் காலை தொட்டுட்டு போற அழகைப் பார்த்தா அள்ளிக் கொஞ்சனும் போல தோனுதுடா...
காதலன்: (மனசுக்குள்) ம்ஹும்... உனக்குத் தோனும்டி... நானும் தான் தெனமும் உன் கையை தொட்டு தொட்டுப் பாக்கறேன். ஒரு நாளாவது என்னை அள்ளிக் கொஞ்சறியா...

மனைவி: நேத்து பணியாரக்காரி கிட்ட பேசிட்டு இருந்திங்க... இன்னைக்கு ஆப்பக்காரி கிட்ட பேசிட்டு இருக்கீங்க... என்ன நெனச்சுட்டு இருக்கீங்க, இப்படியே போறவ வர்றவ பேசுறத ஒரு பொழப்பா வச்சிக்கிட்டு.....?
கணவன்: ஒன்னுமில்லம்மா... தப்பா நெனக்காத... ஆப்பம் எப்படி செய்றதுன்னு கேட்டுட்டு இருந்தேன்மா....
மனைவி: ஓ...ஓ.. அதான் இன்னைக்கு நீங்க செஞ்ச பணியாரம் நல்லா டேஸ்ட்டா இருந்துச்சா!...

சுப்பு: ஏண்டா, நான் சொன்ன ஜோக்குக்கு குதிச்சு குதிச்சு சிரிக்கற?
அப்பு: ஏன்னா? எனக்கு விழுந்து விழுந்து சிரிக்கத் தெரியாது. அதனால தான்.....

விக்கி: டேய் சிபி, உன் ஆபீஸ் ஸ்டெனோ பாக்க அழகா இருக்காளே, உனக்கு மச்சம்டா....
சிபி: போடா வயித்தெருச்சல கெளப்பாத... எனக்காவது ஒரு மச்சம் தான்... உனக்கு நாலு மச்சம் இருக்கே...

சசி: ஏண்டா, இப்படி ஜோக்குனு நாலஞ்சு போட்டா நடுவுல நாலஞ்சு பிகர் படமும் போடனுமாக்கும்?
நான்: ஆமாண்டா... சிபி ரூல்ஸ் நம்பர் பத்து அப்படித்தாண்டா சொல்லுது....

தொண்டன்: தலைவா, அந்த ஆளே மொக்கையா பேசிட்டு இருக்கான் மேடையில, எல்லோரும் அழுகிற ரேஞ்சுக்கு போயிட்டாங்க... நீங்க மட்டும் சிரிச்சுட்டே இருக்கிங்களே தலைவரே...
தலைவர்: டேய், அவன் நேத்து என் கழுத்துல அருவாள வச்சு, அவன் மேடையில பேசுற பேச்சுக்கு சிரிச்சுட்டே இருக்கணும்னு மிரட்டினான்டா....

பிளாக்கரில் Facebook like box popup window வசதி இணைப்பது எப்படி?

2012-02-01T22:07:00.000+05:30

உங்கள் பிளாக்கில் உங்கள் வலைப்பூவிற்காக உள்ள பேஸ்புக்கின் லைக் அதிகரிக்க வேண்டுமா? இதோ உங்கள் பிளாக்கில் முகப்பில் popup window முறையில் facebook likebox வசதி உள்ளது. இந்த popup window வாசகர்களின் முதல் வருகையின் போது மட்டுமே காட்டும், ஒவ்வோரு முறையும் காட்டாது. இதனால் பெரும் சிரமமாக இருக்காது. இந்த facebook popup window ஐ எவ்வாறு நமது பிளாக்கில் இணைக்கலாம் என பார்ப்போம்.

1. முதலில் உங்கள் பிளாக்கரில் DASHBOARD > DESIGN > ADD A GADGET செல்லுங்கள்.

2. அங்கே html/java script என்பதை தேர்ந்தெடுங்கள்.

3.கீழே கொடுக்கப்பட்டுள்ள codeஐ copy/paste செய்யுங்கள்.

<style>
/*ColorBox Core Style:The following CSS is consistent between example themes and should not be altered.*/#colorbox, #cboxOverlay, #cboxWrapper{position:absolute; top:0; left:0; z-index:9999; overflow:hidden;}#cboxOverlay{position:fixed; width:100%; height:100%;}#cboxMiddleLeft, #cboxBottomLeft{clear:left;}#cboxContent{position:relative;}#cboxLoadedContent{overflow:auto;}#cboxTitle{margin:0;}#cboxLoadingOverlay, #cboxLoadingGraphic{position:absolute; top:0; left:0; width:100%;}#cboxPrevious, #cboxNext, #cboxClose, #cboxSlideshow{cursor:pointer;}.cboxPhoto{float:left; margin:auto; border:0; display:block;}.cboxIframe{width:100%; height:100%; display:block; border:0;}/*

User Style:Change the following styles to modify the appearance of ColorBox. They areordered & tabbed in a way that represents the nesting of the generated HTML.*/#cboxOverlay{background:#000;opacity:0.5 !important;}#colorbox{box-shadow:0 0 15px rgba(0,0,0,0.4);-moz-box-shadow:0 0 15px rgba(0,0,0,0.4);-webkit-box-shadow:0 0 15px rgba(0,0,0,0.4);}#cboxTopLeft{width:14px; height:14px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) no-repeat 0 0;}#cboxTopCenter{height:14px; background:url(http://1.bp.blogspot.com/-TcJGMnSfOCY/TxrtzzHDLVI/AAAAAAAAFWc/mdndgrisRuA/s1600/border.png) repeat-x top left;}#cboxTopRight{width:14px; height:14px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) no-repeat -36px 0;}#cboxBottomLeft{width:14px; height:43px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) no-repeat 0 -32px;}#cboxBottomCenter{height:43px; background:url(http://1.bp.blogspot.com/-TcJGMnSfOCY/TxrtzzHDLVI/AAAAAAAAFWc/mdndgrisRuA/s1600/border.png) repeat-x bottom left;}#cboxBottomRight{width:14px; height:43px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) no-repeat -36px -32px;}#cboxMiddleLeft{width:14px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) repeat-y -175px 0;}#cboxMiddleRight{width:14px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) repeat-y -211px 0;}#cboxContent{background:#fff; overflow:visible;}#cboxLoadedContent{margin-bottom:5px;}#cboxLoadingOverlay{background:url(http://1.bp.blogspot.com/-PPvu-446sn4/Txrt1QsGH1I/AAAAAAAAFWw/_jWYVoR1HX8/s1600/loading-background.png) no-repeat center center;}#cboxLoadingGraphic{background:url(http://1.bp.blogspot.com/-31strss_1-E/Txrt1J6NThI/AAAAAAAAFWo/4P12CJPj924/s1600/loading.gif) no-repeat center center;}#cboxTitle{position:absolute; bottom:-25px; left:0; text-align:center; width:100%; font-weight:bold; color:#7C7C7C;}#cboxCurrent{position:absolute; bottom:-25px; left:58px; font-weight:bold; color:#7C7C7C;}#cboxPrevious, #cboxNext, #cboxClose, #cboxSlideshow{position:absolute; bottom:-29px; background:url(http://1.bp.blogspot.com/-FiJ_Xz7txEg/Txrt0sy1TiI/AAAAAAAAFWk/Llzvkeyy_J8/s1600/controls.png) no-repeat 0px 0px; width:23px; height:23px; text-indent:-9999px;}#cboxPrevious{left:0px; background-position: -51px -25px;}#cboxPrevious.hover{background-position:-51px 0px;}#cboxNext{left:27px; background-position:-75px -25px;}#cboxNext.hover{background-position:-75px 0px;}#cboxClose{right:0; background-position:-100px -25px;}#cboxClose.hover{background-position:-100px 0px;}.cboxSlideshow_on #cboxSlideshow{background-position:-125px 0px; right:27px;}.cboxSlideshow_on #cboxSlideshow.hover{background-position:-150px 0px;}.cboxSlideshow_off #cboxSlideshow{background-position:-150px -25px; right:27px;}.cboxSlideshow_off #cboxSlideshow.hover{background-position:-125px 0px;}/*-----------------------------------------------------------------------------------*//* Facebook Likebox popup For Blogger/*-----------------------------------------------------------------------------------*/#subscribe {font: 12px/1.2 Arial,Helvetica,san-serif; color:#666;}#subscribe a,#subscribe a:hover,#subscribe a:visited {text-decoration:none;}.box-title {color: #3B5998;font-size: 20px !important;font-weight: bold;margin: 10px 0;border:1px solid #ddd;-moz-border-radius:6px;-webkit-border-radius:6px;border-radius:6px;box-shadow: 5px 5px 5px #CCCCCC;padding:10px;line-height:25px; font-family:arial !important;}.box-tagline {color: #999;margin: 0;text-align: center;}#subs-container {padding: 35px 0 30px 0;position: relative;}a:link, a:visited {border:none;}.demo {display:none;}</style>
<script src='http://ajax.googleapis.com/ajax/libs/jquery/1.5/jquery.min.js'></script><script src="http://yourjavascript.com/11215013191/jquery.colorbox-min.js"></script><script type="text/javascript">jQuery(document).ready(function(){if (document.cookie.indexOf('visited=true') == -1) {var fifteenDays = 1000*60*60*24*30;var expires = new Date((new Date()).valueOf() + fifteenDays);document.cookie = "visited=true;expires=" + expires.toUTCString();$.colorbox({width:"400px", inline:true, href:"#subscribe"});}});</script>
<div style='display:none'><div id='subscribe' style='padding:10px; background:#fff;'><h3 class="box-title">Receive all updates via Facebook. Just Click the Like Button Below<center><p style="line-height:3px;" >▼</p></center></h3> <center>
<iframe src="//www.facebook.com/plugins/likebox.php?href=http%3A%2F%2Fwww.facebook.com%2Ftamilvaasi&width=300&colorscheme=light&show_faces=true&border_color=%23ffffff&stream=false&header=false&height=258" scrolling="no" frameborder="0" style="border:none; overflow:hidden; width:300px; height:258px;" allowtransparency="true"></iframe>
</center><p style=" float:right; margin-right:35px; font-size:9px;" >Powered By | <a style=" font-size:9px; color:#3B78CD; text-decoration:none;" href="http://www.spiceupyourblog.com">Blog Gadgets</a> Via <a style=" font-size:9px; color:#3B78CD; text-decoration:none;" href="http://www.mybloggertricks.com">Blogger Widgets</a></p></div></div>

4. Paste செய்தவுடன் ஹைலைட் காட்டியுள்ள tamilvaasi என்பதற்கு பதிலாக உங்கள் facebook page-ன் username தரவும்.அவ்வளவுதான்.இதன் மூலம் உங்கள் facebook page like கண்டிப்பாக அதிகரிக்கும்.

blogtips-

பிளாக் முகவரி மாற்றத்தால் காணாமல் போன FOLLOWERS GADGET-ஐ மீண்டும் இணைப்பது எப்படி?

2012-01-31T21:03:00.001+05:30

நண்பர்களே, இன்று முதல் கூகிள் தனது பிளாக்கர் வசதியில் யாருக்கும் அறிவிக்காமல் பெரும் மாற்றத்தைக் கொண்டு வந்துள்ளது. இதனால் சில பிரச்சனைகளை சந்திக்க வேண்டியுள்ளது. முதல் பிரச்சனை அலாஸ்கா தற்போதைய ரேங்க் மாறி புதிய ரேங்க் காட்டுகிறது. அடுத்து சிலரது பிளாக்கில் பாலோயர்ஸ் (FOLLOWERS GADGET) மறைந்து விடுகிறது. அவ்வாறு மறைந்த பாலோயர்ஸ் gadget-ஐ GOOGLE FRIEND CONNECT ஐ பயன்படுத்தி மறுபடியும் நமது தளத்தில் எப்படி இணைப்பது என பார்ப்போம்.

1. முதலில் www.google.com/friendconnect/ இந்த இணைப்பில் சென்று உங்கள் பிளாக் முகவரி கொடுத்து லாகின் ஆகுங்கள்.

2. பின்னர் கீழே படத்தில் உள்ளது போல ஒரு WINDOW OPEN ஆகும்.

அதில் ADD THE MEMBERS GADJET CLIK செய்ய வேண்டும்.

3. கீழே படத்தில் உள்ளது போல ஒரு WINDOW OPEN ஆகும்.

அதில் உங்கள் பிளாக்குக்கு தக்கவாறு அகலம் மற்றும் பாலோயர் படங்களின் வரிசையை தேர்ந்தெடுத்துக் கொள்ளுங்கள். பின்னர் கீழே CREATE HTML CODE என்பதை கிளிக் செய்யுங்கள்.

4. CREATE HTML CODE என்பதை கிளிக் செய்தால் கீழே படத்தில் உள்ளது போல ஒரு HTML BOX ஓபன் ஆகும்.

இந்த HTML BOXஇல் உள்ள எல்லா CODINGஐ COPY செய்ய வேண்டும்.

5. பின்னர் உங்கள் பிளாக்கர் முகவரியில் DASHBOARD > DESIGN > ADD A GADGET செல்லுங்கள்

6. அங்கே HTML/ JAVA SCRIPT என்பதை தேர்ந்தெடுங்கள். COPY செய்த CODINGஐ PASTE செய்தால் போதும். உங்கள் தளத்தை ஒரு முறை REFRESH செய்து பாருங்கள். உங்களது பழைய பாலோயர்ஸ்(FOLLOWERS GADGET) உள்ள GADGET இணைந்திருக்கும்.

டிஸ்கி: இம்முறையின் மூலம் FOLLOWERS GADGET-ஐ புதிய வலைப்பூ தளங்களிலும் இணைக்கலாம்.

படங்கள் உதவி வீடு சுரேஷ்.

பிளாக்கர் டொமைன் மாற்றம் பற்றிய நண்பர்களின் பதிவு:

வந்தேமாதரம் சசி: பிளாக்கர் வலைபூக்களில் கூகுளின் அதிரடி மாற்றம் - அலெக்சா ரேங்க் காலி

பிளாக்கர் நண்பன்: தணிக்கைக்கு தயாரானது ப்ளாக்கர்

தமிழ்மணம் திரட்டியில் இணைக்கும் முறையை பொன்மலர் தளத்தில் பார்க்க,

பொன்மலர் பக்கம்: பிளாக்கரின் டொமைன் முகவரி மாற்றம் காரணமும் சிக்கல்களும்

குழந்தைகளுக்கு இசைபயிற்சி அவசியமா? கட்டுரை

2012-01-30T15:18:00.000+05:30

இசைக்கும் மயங்காதவர்கள் உண்டோ? இந்த பரபரப்பான வாழ்க்கையில், நமக்கு பிடித்தமான இசையை நாம் கேட்டோமானால் நமது மனதும் சூழ்நிலையும் லேசாகிறது. இத்தகைய இசையை சிறுவயது முதலே கற்கும் குழந்தைகளின் IQ POWER மிகவும் அபாரமாக இருப்பதாக அமெரிக்க ஆய்வு முடிவுகள் தெரிவிக்கின்றன.

சிறுவயதில் பியானோ, புல்லாங்குழல் போன்ற இசைக்கருவிகளை பயிற்சி பெரும் குழந்தைகள், வயதான காலத்திலும் நல்ல புத்திக் கூர்மையுடன் இருப்பதாக வல்லுனர்கள தெரிவிக்கிறார்கள். சாதாரண இசையை கற்காத குழந்தைகள் விட நன்கு இசையை கற்ற குழந்தைகள வித்தியாசமாக சிந்திக்கிறார்கள் என்கிறது ஒரு புள்ளிவிவரம். இசையை கற்கும் குட்டிக் குழந்தைகள் தங்களது சிந்தனைகளை பல முனைகளிலும் ஒரு சேர செலுத்துவதில் வல்லவர்களாக இருக்கிறார்கள். காரணம், மூளையின் இடது, வலது பாகங்களை ஒரு சேரப் பயன்டுத்தும் ஆற்றல சாதாரணக் குழந்தைகளை விடவும் இசையை கற்ற குழந்தைகளுக்கு அதிகமாக இருப்பதாக வல்லுனர்களின் ஆராய்ச்சி சொல்கிறது.

இளவயதில் மேற்கொள்ளும் இசைப்பயிற்சி வயதான காலத்தில் மூளை நரம்புகளில் ஏற்படும் சவால்களை எதிர் கொள்ள உதவுகிறது. சிறுவயது இசைப்பயிற்சி மூளையை துடிப்புடன் வைத்திருக்க உதவுகிறது. இதனால், மற்றவர்களை விட இசையை கற்றவர்கள் அறிவு நுணுக்கத்துடன் செயல்படுவதைக் காண முடிகிறது, என வல்லுனர்கள் கருத்து சொல்கிறார்கள்.

மனதுக்கு இதம் அளித்து பட்டதைக் குறைக்க உதவும் இசை, ஆழ்ந்த தூக்கத்தை இரவில் பெறவும் உதவுகிறது. மெல்லிய இசை நரம்புகளை நெகிழ்வடையச் செய்து உடலுக்கு உற்சாகம் அளிக்கிறது. இது மட்டுமில்லாமல், மூளை நரம்புகள், மிகச் சிறப்பாக செயல்படவும் உதவும் இசையை குழந்தைகளுக்கு கற்றுத் தாருங்கள். குழந்தைகள் சிந்திக்க தூண்டும் இசையை கற்க உங்கள் குழந்தைகளை இசைப்பயிற்சிக்கு இன்றே சேர்த்து விடுங்கள், என்கிறார்கள் ஆராய்ச்சி வல்லுனர்கள்.

ஒரு கட்டுரை வாயிலாக இவ்விசயத்தை அறிந்தேன். ஆகையால் பகிர்ந்துள்ளேன்.

யார் ஏழை? சிறுவனின் பார்வை!

2012-01-29T04:40:00.001+05:30

ஒரு ஊரில் ஒரு பெரும் பணக்காரர் இருந்தார். அவருக்கு ஒரே மகன். மிகவும் செல்லமாக அவன் வளர்க்கப்பட்டான். பருவ வயது வந்தது அவனுக்குப் பொறுப்புத் தர எண்ணினார் அவர்.

ஆனால் மகனுக்கு உலக வாழ்க்கை இன்னதென்று விளங்கவில்லை. அவன் உலகத்தைத் தெரிந்த பின்பு அவருக்குப் பொறுப்புத் தரலாம் என்று எண்ணினார்.

அவனை ஒரு மாத காலம் சேரி மக்கள் வாழ்கின்ற பகுதியில் அந்த மக்களோடு மக்களாகத் தங்கி வாழ்ந்து பின்வருமாறு பணித்தார்.

ஒரு மாதம் ஆனபின்பு மகன் வீட்டுக்கு வந்தான். தந்தை கேட்டார் என்ன மகனே வாழ்க்கையில் என்ன கற்றுக்கொண்டாய் என்றார்.

நிறைய அவர்களிடம் அறிந்து கொண்டேன் அப்பா. அவர்கள் நம்மை விட பணக்காரர்களாகவும், சுதந்திர மானவர்களாகவும், சுகமாகவும், பயமற்றும் வாழ்கிறார்கள் என்றான்.

தந்தை எப்படிச் சொல்கிறாய் என கேட்டார்.

நாம் இங்க அலங்கார செயற்கை விளக்குகள் ஏற்றி வாழ்கிறோம். அவர்களோ நட்ச்சதிரங்களையே விளக்குகலாகக் கொண்டு வாழ்கிறார்கள்.

நாம் நமக்கான உணவையே விலை கொடுத்து வாங்கி உண்கிறோம். அவர்கள் தங்களுக்கான உணவைத் தாங்களே உற்பத்தி செய்கிறார்கள்.

நான் அறைகளுக்குள் வாழ்கிறோம். அவர்களோ சுதந்திரமாக சந்தோசமாக பரந்த வெளியில் வாழ்கிறார்கள்.

இப்பொழுது சொல்லுங்கள் தந்தையே அவர்களை ஏழை என்கிறார்கள்.

சுதந்திரமாகவும், சந்தோசமாகவும், தன் உணவைத் தாங்களே உற்பத்தி செய்பவராகவும், உறவுகளோடு ஒன்றி மகிழ்பவர்களாகவும் இருப்பவர்களை ஏழைகள் என்று எப்படி சொல்ல முடியும்? இவைதான் நான் அவர்களிடமிருந்து கற்றது என்றான்.

எனவே வாழ்க்கை என்பது சுதந்திரத்திலும் உறவுகளிலும் மலர்ந்திருக்கிறது.

நீங்க எதை டைப் செய்தாலும் பேசும் COMPUTER SPEAK TRICK

2012-01-27T18:20:00.000+05:30

ஆமாங்க.... உங்க கம்ப்யூட்டர்ல நீங்க டைப் செய்தா கம்ப்யூட்டர் அந்த வார்த்தைகளை திரும்ப சொல்லும். இந்த டிரிக் எல்லா வகையான விண்டோஸ் ஆப்பரேட்டிங் சிஸ்டத்திலும் வேலை செய்யும். இந்த மேஜிக்கை உங்க கம்ப்யூட்டர்ல் வச்சு உங்க நண்பர்களை ஆச்சிரியப்பட வையுங்க. இந்த வசதியினால் கம்ப்யூட்டர்க்கு எந்த பாதிப்பும் ஏற்படாது. சரி, எப்படி இந்த வசதியை உங்க கம்ப்யூட்டர்ல வைக்கலாம்னு பாக்கலாமா?

1. உங்க கம்ப்யூட்டர்ல notepad-ஐ ஓபன் செய்யுங்க.

2. கீழ்க்கண்ட code-ஐ ஓபன் செய்த பக்கத்தில் copy செய்து paste செய்யுங்க.

Dim message, sapi
message=InputBox("What do you want me to say?","Speak to Me")
Set sapi=CreateObject("sapi.spvoice")
sapi.Speak message

3. notepad-இல் பேஸ்ட் செய்த பின்னர் speak.vbs என பெயர் கொடுத்து உங்கள் டெஸ்க்டாப்பில் save செய்து விடுங்கள். அவ்வளவுதான்.

4. டெஸ்க்டாப்பில் speak.vbs என உள்ள file-ஐ டபுள் கிளிக் செய்தால் ஒரு பாக்ஸ் ஓபன் ஆகும். அங்கே உள்ள கட்டத்தில் நீங்க வார்த்தைகளை டைப் செய்து என்டர் செய்தால் நீங்கள் டைப் செய்த வார்த்தைகள் ஒரு ஆண் குரல் சொல்லும். மறக்காம உங்க கம்ப்யூட்டர் ஸ்பீக்கரை ஆன் செஞ்சுக்கங்க. அவ்ளோதான்.

-tips and tricks-

நண்பகளே, error இப்போ வராது.... சிரமத்திற்கு மன்னிக்கவும்.....

பஜார் கடை பஞ்சர் ஆன கதை

2012-01-26T19:10:00.000+05:30

அந்த ஊர் ரொம்ப பேமசான ஓரளவு பெரிய ஊர். சுத்துபதினெட்டு ஊர் மக்களும் அந்த ஊருக்கு தான் எந்த சாமான்கள் வாங்கனும்னாலும் வந்து போவாங்க. அந்த ஊரோட பஜார்ல கிடைக்காத பொருளே இல்லை. அந்த பஜார்ல விதவிதமான கடைகள் விதவிதமான பொருட்கள் இருக்கும். அதனால ஊர் மக்கள் எல்லோரும் அவங்களுக்குன்னு பரிச்சியமான கடைகளை பழகி வச்சிருந்தாங்க.

அதே போல பஜார் கடைகளும் மக்களை கவர போட்டி போட்டுட்டு விளம்பரங்கள், இலவச இணைப்புகள், கவர்ச்சித் திட்டங்கள் என பல யுத்திகளை செய்துட்டு வந்தாங்க. மளிகை சாமான்களுக்கு, எலக்ட்ரானிக்ஸ் பொருட்கள், துணிமணி வகைகளுக்கு என மக்கள் தகுதிக்கு ஏற்ப பெரிய கடையில் இருந்து சின்ன கடைகள் வரை அந்த பஜாரில் பரவலா இருந்துச்சு. நிறைய கடைகள் இருந்தாலும் சில கடைகளே மக்களுக்கு பேவரிட்டாக இருந்து வந்துச்சு. மேல்தட்டு மக்கள், நடுத்தர மக்கள், அடித்தட்டு மக்கள் என எல்லா வகையான மக்களும் அந்த பஜார் கடையையே நம்பி இருந்தாங்க.

இப்படி இருக்கறப்ப ஒரு கடையில திடீர்னு அதன் வாடிக்கையாளர்கள் கூட்டம் குறைய ஆரம்பிச்சுச்சு. அந்த கூட்டம் எல்லாம் வேற வேற கடைகளுக்கு போக ஆரம்பிச்சாங்க. அந்தக் கடையோட கூட்டம் குறைய என்ன காரணம்னு விசாரிச்சப்ப கலப்பட பொருட்களை விற்பனை செய்வதோடு மட்டுமில்லாம கவர்ச்சியான திட்டங்களில் சேர்ந்த மக்களை கொஞ்சம் கொஞ்சமா ஏமாற்றியதா தெரிய வந்திச்சு. இப்படி இருந்தாலும் அந்த கடைக்காரன் கொஞ்சம் முதலீடெல்லாம் போட்டு என்னென்னவோ திட்டமெல்லாம் போட்டு பார்த்தான். ம்ஹும்... கூட்டம் மறுபடியும் வந்த பாடில்லை. அப்படியே கூட்டம் வந்தாலும் சும்மா சுத்தி பாத்துட்டு போனாங்களே தவிர பொருட்களை வாங்க யாருமே முன்வரல.

கடைக்காரன் தலையில அடிச்சுக்கிட்டான். ச்சே..ச்சே... எப்படி பொருட்கள் இருந்தாலும் வர்ற கூட்டம் கண்டிப்பா வரும்னு கொஞ்சம் கலப்படமும், போலி பொருட்களையும் உள்ள விட்டா அது நமக்கே ஆப்பாயிருச்சே, என அவனோட வீட்டுல, நண்பர்கள் கிட்ட புலம்ப ஆரம்பிச்சுட்டான் அந்த ஜால்ரா நண்பர்கள் கூட்டமும் கலப்பட, போலிகளை உலாவ விட்டாச்சு. அது தீரும் வரைக்கும் நாம சரக்கை மாத்த முடியாது. அதுக்காக போட்ட காசெல்லாம் வீணா போயிரும்னு அந்த கடைக்காரனை மேலும் குழப்பினார்கள். இருந்தாலும் அந்த கடைக்காரன் என்ன முடிவெடுக்கரதுன்னே தெரியாம முழிக்க, ஒருவழியா அவனே சமாளிச்சு மறுபடியும் புது சரக்கெல்லாம் வாங்கி புதுப்புது விளம்பரம் செய்ய ஆரம்பிச்சான்.

ஆனா அதுக்குள்ளே அவனோட பழைய மக்கள் கூட்டமெல்லாம் வேற வேற கடைகளுக்கு வாடிக்கையாளரா மாறியிருந்தாங்க. என்ன செய்ய? கூட்டத்தை நம்பி மக்களை ஏமாற்ற நெனச்ச அவனுக்கு மக்கள் சரியான ஆப்பு வச்சுட்டாங்க. மிச்ச சொச்ச கூட்டமும் படிப்படியா குறையாமலா போகும்? ஆக, மக்களே மக்களை ஏமாற்ற நெனச்சவன் ஏமாந்து போவான் என்பதை இக்கருத்துகள் உணர்த்துகிறது.

ட்ரம்ஸ் வாசிக்க ஆசையா? மவுஸும், உங்க பிளாக்கும் இருந்தாலே போதும்!

2012-01-25T08:26:00.000+05:30

என்னங்க, தலைப்பை பார்த்துட்டு நமக்குதான் ட்ரம்ஸ் வாசிக்க தெரியாதே. மவுஸும் பிளாக்கும் இருந்தாலே போதும்ன்னு போட்டிருக்கே, எப்படி முடியும்னு நினக்கறிங்களா? ரொம்ப ஈஸிங்க. உங்க பிளாக்குல கொஞ்சம் இடமும் உங்க கம்ப்யுட்டர் மவுஸும் இருந்தாலே போதும். ஈசியா ட்ரம்ஸ் வாசிக்கலாம். சரி, இந்த வசதியை எப்படி நம்ம பிளாக்குல இணைக்றதுன்னு பாக்கலாமா?

வழிமுறை:

1. உங்கள் பிளாக்கரில் DASHBOARD > DESIGN > ADD A GADGET செல்லுங்கள்

2. அங்கே HTML/ JAVA SCRIPT என்பதை தேர்ந்தெடுங்கள்.

3. பின்னர் கீழே உள்ள படத்தில் get this என்ற இடத்தில் கிளிக் செய்தால் படம் 2 இல் உள்ளது போல ஒரு பாக்ஸ் ஓபன் ஆகும். அங்கே blogger என்பதை கிளிக் செய்தால் இன்னொரு பாக்ஸ் ஓபன் (பார்க்க படம் 3) ஆகும். அங்கே கீழே embed code என்ற பகுதியில் உள்ள html codeகளை copy செய்து ஓபன் செய்து வைத்துள்ள HTML/ JAVA SCRIPT இல் paste செய்து விடுங்கள். அவ்வளவு தான்.

டெமோ பார்க்க கீழே படத்தில் மவுஸ் கர்சரை வச்சு வாசியுங்க

மேலே உள்ள படத்தில் get this என்பதை கிளிக் செய்யவும்.

படம் 2

படம் 3

இப்ப இந்த டிப்ஸ்க்கான ப்ரிவியு பாக்கணுமா? மேலே ட்ரம்ஸ் படம் இருக்குல. அங்க ஒவ்வொரு ட்ரம்ஸ் மேலேயும் உங்க மவுஸ் வச்சு நகர்த்தி நகர்த்தி செய்தாலே போதும். உங்க நகர்த்தலுக்கு ஏற்ப ட்ரம்ஸ் அதிரடியாக வாசிக்கும். அப்புறம் மறக்காம உங்க ஸ்பீக்கர் ஆன் செய்து வால்யூமை அதிகமா வச்சிருங்க. அப்புறம் பாருங்க உங்க கணினியே அதிரும் வகையில் ட்ரம்ஸ் ஒலியை ரசிக்கலாம்.

. .